വെറും വയറ്റിൽ കാരറ്റ് ജ്യൂസ് കുടിക്കൂ, ഗുണങ്ങൾ ഇതാണ്

google news
carrot

ക്യാരറ്റ് കഴിക്കുന്നത് ധാരാളം ആരോഗ്യ ഗുണങ്ങൾ നൽകും എന്നതിൽ ഒരു സംശയവുമില്ല. കാഴ്ച ശക്തി മെച്ചപ്പെടുത്താനും മൊത്തത്തിലുള്ള ആരോഗ്യത്തിനും ചർമ്മ സൗന്ദര്യത്തിനും എല്ലാം ക്യാരറ്റ് ജ്യൂസ് പതിവായി കഴിക്കുന്നത് വളരെ നല്ലതാണെന്ന് ശാസ്ത്രീയമായി തെളിയിക്കപ്പെട്ടിട്ടുണ്ട്. കൂടാതെ ശരീരഭാരം കുറയ്ക്കാനും കാൻസർ സാധ്യത കുറയ്ക്കാനും ഇത് വളരെയധികം സഹായിക്കും. അതോടൊപ്പം തന്നെ ക്യാരറ്റ് ജ്യൂസ് ആരോഗ്യത്തിന് എങ്ങനെ സഹായിക്കും എന്ന് നോക്കാം.

ക്യാരറ്റ് ജ്യൂസിലെ നാരുകൾ ശരീരഭാരം കുറയ്ക്കാൻ സഹായിക്കും. അമിത ഭാരം കുറയ്ക്കാൻ ആവശ്യമായ ഫൈബർ കഴിക്കണമെന്നാണ് ഗവേഷണങ്ങൾ വ്യക്തമാക്കുന്നത്. ക്യാരറ്റ് ജ്യൂസിൽ കലോറിയും കുറവാണ്. അതിനാൽ, ശരീരഭാരം കുറയ്ക്കാൻ ക്യാരറ്റ് ജ്യൂസ് ഒരു നല്ല ഓപ്‌ഷനാണ്.

കരോട്ടിനോയിഡുകൾ ക്യാരറ്റിൽ ധാരാളം അടങ്ങിയിട്ടുണ്ട്. അതിനാൽ ചർമ്മത്തിന്റെ നിറം മെച്ചപ്പെടുത്താൻ ഇത് വളരെ നല്ലതാണ്. ജ്യൂസിലെ ബീറ്റാ കരോട്ടിൻ പലരോഗങ്ങളിൽനിന്നും നമ്മെ സംരക്ഷിക്കും.

ക്യാരറ്റ് ജ്യൂസ് ഓക്സിഡേറ്റീവ് സ്ട്രെസ്, നീർ വീക്കം എന്നിവയെ പ്രതിരോധിക്കാൻ സഹായിക്കും. പതിവായി ക്യാരറ്റ് ജ്യൂസ് കഴിക്കുന്ന പുരുഷന്മാരിൽ ഹൃദ്രോഗം ഏറ്റവും കുറവാണെന്ന് ഒരു പഠനത്തിൽ കണ്ടെത്തി.

ക്യാരറ്റ് ജ്യൂസ് കഴിക്കുന്നത് ശരീരത്തിന്റെ ആൻറി ഓക്‌സിഡൻറ് നില മെച്ചപ്പെടുത്താൻ സഹായിക്കും.

നല്ല കാഴ്ചക്ക് വിറ്റാമിൻ എ ശരീരത്തിൽ കൂടുതലായി ആവശ്യമാണ്. ക്യാരറ്റ് ധാരാളം പോഷകങ്ങൾ നൽകുന്നുണ്ട്. ഒരാൾക്ക് വളരെക്കാലം വിറ്റാമിൻ എ കിട്ടാതിരുന്നാൽ കണ്ണുകളുടെ പുറം ഭാഗങ്ങൾ മോശമാകാൻ തുടങ്ങും. ക്യാരറ്റ് ജ്യൂസിൽ ശക്തമായ ആൻറി ഓക്‌സിഡൻറായ ല്യൂട്ടിൻ അടങ്ങിയിട്ടുണ്ട്.

ക്യാരറ്റിലെ പ്ലാസ്മ കരോട്ടിനോയ്ഡ് ശരീരത്തിെൻറ രോഗപ്രതിരോധ ശേഷി വർദ്ധിപ്പിക്കും. രോഗപ്രതിരോധ ശേഷി വർദ്ധിപ്പിക്കുന്നതോടൊപ്പം അണുബാധയ്‌ക്കെതിരെ പ്രവർത്തിക്കാനും ഇതിനാകും. ശരീരത്തിലെ വിറ്റാമിൻ എ ആയി പരിവർത്തനം ചെയ്യപ്പെടുന്ന ബീറ്റാ കരോട്ടിൻ ആണ് ഈ ഗുണങ്ങൾക്ക് കാരണം.

ജ്യൂസിലെ ബീറ്റാ കരോട്ടിൻ ബുദ്ധിശക്തി വർദ്ധിപ്പിക്കുകയും ഓർമ്മശക്തി പ്രശ്‌നങ്ങളുടെ ദീർഘകാല അപകടസാധ്യത കുറയ്ക്കുകയും ചെയ്യും. മസ്തിഷ്ക കോശങ്ങളെ തകർക്കുന്ന ഓക്സിഡേറ്റീവ് പ്രഷറിനെതിരെ പ്രവർത്തിക്കാനും ഇതിന് കഴിയും.

തലച്ചോറിലെ ഓക്സിഡേറ്റീവ് പ്രഷർ തലച്ചോറിന് പലവിധ പ്രശ്നങ്ങളും ഉണ്ടാക്കും. ക്യാരറ്റ് ജ്യൂസിലെ ബീറ്റാ കരോട്ടിന് ഈ കേടുപാടുകൾ തടയാൻ കഴിയും. ക്യാരറ്റ് ജ്യൂസിലെ പൊട്ടാസ്യം ഹൃദയാഘാത സാധ്യത കുറയ്ക്കും.

ടൈപ്പ് 2 പ്രമേഹത്തിൽ നിന്ന് ആശ്വാസം ലഭിക്കാൻ കാരറ്റ് ജ്യൂസ് കൊണ്ട് സാധിക്കും എന്ന് കണ്ടെത്തിയിട്ടുണ്ട്. ക്യാരറ്റ് ജ്യൂസിൽ ധാരാളം നാരുകൾ അടങ്ങിയിട്ടുണ്ട്. ഇത് ആരോഗ്യ ഗുണങ്ങൾ ഏറെയുള്ളതാണ്. അതിനാൽ ജ്യൂസ് തയ്യാറാക്കുമ്പോൾ അരിക്കാതിരിക്കാൻ ശ്രദ്ധിക്കണം. ഈ ഫൈബറിന് നിങ്ങളുടെ അമിത ഭക്ഷണ ശീലത്തെ നിയന്ത്രിക്കാനും കഴിയും. അതുവഴി അമിത ഭാരം തടയാൻ കഴിയും.

 കാരറ്റ് ജ്യൂസിൽ പോളിഫെനോളുകളും നൈട്രേറ്റുകളും ധാരാളം അടങ്ങിയിട്ടുണ്ട്. രക്തസമ്മർദ്ദത്തിെൻറ അളവ് നിയന്ത്രിക്കാൻ സഹായിക്കുന്ന ജ്യൂസിലെ മറ്റ് ബയോ ആക്റ്റീവ് ഘടകങ്ങളാണിവ. ക്യാരറ്റിൽ നിന്നുള്ള ജ്യൂസ് കൊളസ്ട്രോളിെൻറ അളവും കുറയ്ക്കും. കൊഴുപ്പ് ശരീരത്തിൽ അടിഞ്ഞു കൂടുന്നത് ഇത് ഒഴിവാക്കും.

ക്യാരറ്റ് കഴിക്കുന്നത് ക്യാൻസറിനെ ഒരു പരിധി വരെ ചെറുത്തേക്കാമെന്ന് പഠനങ്ങൾ പറയുന്നു. ഇതിലടങ്ങിയ വിവിധ പോഷക ഘടകങ്ങൾ രക്താർബുദ കോശങ്ങൾ ഉണ്ടാകുന്നതിൽ നിന്ന് ഒരു പരിധിവരെ സംരക്ഷിച്ചേക്കാമെന്നാണ് പഠനങ്ങൾ പറയുന്നത്. രക്താർബുദ ചികിത്സയെ സഹായിക്കുന്നതിനുള്ള ബയോ ആക്റ്റീവ് രാസവസ്തുക്കളുടെ മികച്ച ഉറവിടമാണ് ക്യാരറ്റ് എന്നതാണ് കണ്ടെത്തൽ.


 

Tags