അമിതവണ്ണം കുറയ്ക്കാൻ ഇതാ ചില വഴികൾ

weight


അമിതവണ്ണം ഇന്ന്  നല്ലൊരു ശതമാനം ആളുകളും  നേരിടുന്ന ഒരു പ്രശ്നമാണ്.  വണ്ണം കുറയ്ക്കുക എന്നത് അത്ര എളുപ്പമുള്ള കാര്യമല്ല. കൂടാതെ, വണ്ണം കുറച്ചതിന് ശേഷം അത് നിലനിര്‍ത്തി മുന്നോട്ടുപോകാന്‍ അതേപോലെതന്നെ  പരിശ്രമം അനിവാര്യമാണ്.

അമിതവണ്ണം സൃഷ്ടിക്കുന്ന ആരോഗ്യ പ്രശ്നങ്ങളാണ്  പലരേയും കഠിന വ്യയാമത്തിലൂടെയാണെങ്കിലും ശരി ശരീരഭാരം കുറയ്ക്കാന്‍ നിര്‍ബന്ധിതരാക്കുന്നത്. 

എന്നാല്‍, പലരും ശരീരഭാരം കുറയ്ക്കാൻ നടത്തുന്ന ശ്രമങ്ങള്‍ നിരാശയോടെയാണ് നോക്കിക്കാണുന്നത്. കാരണം അവര്‍ ഉദ്ദേശിച്ചതുപോലുള്ള ഒരു മാറ്റം ശരീരത്തില്‍ പലപ്പോഴും ഉണ്ടാകാറില്ല എന്നതുതന്നെ. 

നിങ്ങൾക്ക് വേഗത്തിൽ ശരീരഭാരം കുറയ്ക്കണമെങ്കിൽ നിങ്ങളുടെ ആരോഗ്യം മെച്ചപ്പെടുത്തുന്നതിന് ദീർഘകാലാടിസ്ഥാനത്തിലുള്ള ആരോഗ്യത്തിലും പ്രവർത്തനങ്ങളിലും ശ്രദ്ധ കേന്ദ്രീകരിക്കുക.  ശരീരഭാരം കുറയ്ക്കാൻ പ്രകൃതിദത്തമായ പരിഹാര മാർ​ഗങ്ങൾ എന്തൊക്കെയാണെന്ന് നോക്കാം ...

ഒന്ന്...

രാവിലെ ഒന്നോ രണ്ടോ ഗ്ലാസ് ചെറുചൂടുവെള്ളം കുടിക്കുന്നത് തടിയും വയറും കുറയ്ക്കാൻ സഹായിക്കും. വെള്ളം കുടിക്കുന്നത് വിശപ്പും കലോറിയും കുറയ്ക്കുകയും ശരീരത്തിലെ ജലാംശം നിലനിർത്താൻ സഹായിക്കുകയും ചെയ്യുന്നു. ദിവസവും ചൂടുവെള്ളം കുടിക്കുന്നത് ശരീരത്തിലെ കൊഴുപ്പ് അടിഞ്ഞുകൂടുന്നത് തടയാനും പേശികൾക്ക് അയവ് വരുത്താനും രക്തയോട്ടം വർദ്ധിപ്പിക്കാനും സഹായിക്കും. രക്തചംക്രമണം വർദ്ധിക്കുന്നത് ചർമ്മകോശങ്ങളെ പുനരുജ്ജീവിപ്പിക്കുകയും അവയെ പോഷിപ്പിക്കുകയും ചെയ്യും.

രണ്ട്...

കൊഴുപ്പ് കൂടിയ ഭക്ഷണങ്ങൾ കഴിക്കുന്നതിന്റെ ചില ദോഷഫലങ്ങൾ കറുവപ്പട്ട കുറയ്ക്കുമെന്ന് തെളിയിക്കപ്പെട്ടിട്ടുണ്ട്. ഇത് മൊത്തത്തിലുള്ള ശരീരഭാരം കുറയ്ക്കാൻ സഹായിക്കും. രക്തത്തിലെ ഗ്ലൂക്കോസിന്റെ അളവിലുള്ള അതിന്റെ സ്വാധീനം നിങ്ങളുടെ ശരീരത്തെ ആത്യന്തികമായി ശരീരഭാരം കുറയ്ക്കാൻ സഹായിക്കും. രാത്രി കറുവപ്പട്ട ചായ കുടിക്കുന്നത് ശരീരഭാരം കുറയ്ക്കാൻ സഹായിക്കും. 

മൂന്ന്...

ഗ്രീൻ ടീ വയറിലെ കൊഴുപ്പ് കുറയ്ക്കുമെന്ന് തെളിയിക്കപ്പെട്ടിട്ടുണ്ട്. കാരണം ഗ്രീൻ ടീ വയറിന് ചുറ്റുമുള്ള വിസറൽ കൊഴുപ്പ് കുറയ്ക്കാൻ സഹായിക്കുന്നു. ഇത് ഹൃദയ സംബന്ധമായ അസുഖങ്ങൾ, പ്രമേഹം, സ്തനാർബുദം എന്നിവയ്ക്കുള്ള അപകടസാധ്യതയുമായി ബന്ധപ്പെട്ടിരിക്കുന്നു.

നാല്...

നാരുകളാൽ സമ്പന്നമായ നെല്ലിക്ക ശരീരത്തിൽ നിന്ന് വിഷവസ്തുക്കളെ പുറന്തള്ളുന്നതിനും ദഹനത്തെ നിയന്ത്രിക്കുന്നതിനും മികച്ചതാണ്. നെല്ലിക്കയിൽ നാരുകൾ കൂടുതലും കലോറി കുറവുമാണ്. 

Share this story