ഉയർന്ന കൊളസ്ട്രോൾ കുറയ്ക്കാൻ കഴിക്കൂ ഈ പച്ചക്കറികൾ

ആരോഗ്യകരമായ കോശങ്ങളുടെ നിര്‍മാണത്തില്‍ നമ്മുടെ ശരീരം ഉപയോഗപ്പെടുത്തുന്ന പദാര്‍ഥമാണ് മെഴുക് പോലെയുള്ള കൊളസ്ട്രോള്‍.തെറ്റായ ജീവിതശൈലി വിവിധ രോ​ഗങ്ങൾക്ക് കാരണമാകുന്നു. കുക്കികൾ, മയോന്നൈസ് തുടങ്ങിയ ഭക്ഷണങ്ങളും  ട്രാൻസ് ഫാറ്റ് അടങ്ങിയ ആഹാരങ്ങളും ചീത്ത കൊളസ്‌ട്രോളിന്റെ അളവ് കൂട്ടുകയും ഹൃദയാഘാതം, സ്‌ട്രോക്ക് എന്നിവയ്ക്കുള്ള സാധ്യത വർദ്ധിപ്പിക്കുകയും ചെയ്യുന്നു. ഇന്ന് പലരേയും അലട്ടുന്ന പ്രധാനപ്പെട്ട ആരോ​​ഗ്യപ്രശ്നമാണ് കൊളസ്ട്രോൾ. 

അനാരോഗ്യകരമായ കൊളസ്‌ട്രോൾ അളവ് കൈകാര്യം ചെയ്യാനുള്ള വഴികളിൽ ഒന്നാണ് നമ്മുടെ ഭക്ഷണക്രമത്തിൽ മാറ്റം വരുത്തുന്നത്. പഠനങ്ങൾ അനുസരിച്ച്,‌ ലയിക്കുന്ന ഫൈബർ കുറഞ്ഞ സാന്ദ്രത ലിപ്പോപ്രോട്ടീൻ (എൽഡിഎൽ) കൊളസ്ട്രോൾ കുറയ്ക്കാൻ സഹായിക്കുന്നു. സസ്യാധിഷ്ഠിത ഭക്ഷണങ്ങൾ അല്ലെങ്കിൽ പച്ചക്കറികളിൽ പൂരിത കൊഴുപ്പ് കുറവാണ്. 

ലയിക്കുന്ന നാരുകൾക്ക് കൊളസ്ട്രോൾ ആഗിരണം ചെയ്യുന്നത് മന്ദഗതിയിലാക്കാനും കരൾ ഉൽപ്പാദിപ്പിക്കുന്ന കൊളസ്ട്രോളിന്റെ അളവ് കുറയ്ക്കാനും കഴിയും. ശരീരത്തിലെ ഉയർന്ന കൊളസ്ട്രോൾ കുറയ്ക്കാൻ സഹായിക്കുന്ന പ്രധാനപ്പെട്ട എട്ട് സീസണൽ പച്ചക്കറികൾ ഏതൊക്കെയാണെന്നതാണ് താഴേ പറയുന്നത്...

. രക്തം ശുദ്ധീകരിക്കാനും ഹൃദയത്തിന്റെ പ്രവർത്തനം മെച്ചപ്പെടുത്താനും പാവയ്ക്ക സഹായിക്കുന്നു. ശരീരത്തിലെ കൊളസ്‌ട്രോളിന്റെയും പഞ്ചസാരയുടെയും അളവ് പോലും കുറയ്ക്കാൻ ഇത് സഹായിക്കുന്നു. ഒരാളുടെ ശരീരത്തിലെ വിഷാംശം ഇല്ലാതാക്കാൻ ചെറിയ അളവിൽ പാവയ്ക്ക നീര് കഴിക്കുന്നത് ഒരാളുടെ ആരോഗ്യം മെച്ചപ്പെടുത്തുന്നതിനുള്ള മികച്ച മാർഗമാണ്.

.  വളരെ നാരുകളുള്ള ഒരു പച്ചക്കറിയാണ് ക്യാബേജ്. ആന്റിഓക്‌സിഡന്റുകളും ആന്റി-ഇൻഫ്ലമേറ്ററി ഗുണങ്ങളും നിറഞ്ഞതാണ്, ഇത് ഹൃദ്രോഗങ്ങൾ തടയാൻ സഹായിക്കും. വിറ്റാമിൻ സിയുടെ മികച്ച ഉറവിടം, ഇത് ചീത്ത കൊളസ്ട്രോൾ ഇല്ലാതാക്കാൻ മാത്രമല്ല ശരീരത്തിലെ രക്തസമ്മർദ്ദത്തിന്റെ അളവ് നിയന്ത്രിക്കാനും സഹായിക്കുന്നു.

. ലയിക്കുന്നതും ലയിക്കാത്തതുമായ നാരുകളുടെ വലിയ ഉറവിടം നൽകുന്ന റൂട്ട് പച്ചക്കറികളാണ് ബീറ്റ്റൂട്ട്. രക്തക്കുഴലുകൾ വികസിപ്പിക്കുന്നതിനും ശരീരത്തിലെ രക്തസമ്മർദ്ദം കുറയ്ക്കുന്നതിനും സഹായിക്കുന്ന നൈട്രേറ്റുകളുടെ മികച്ച ഉറവിടം കൂടിയാണിത്. ഇത് ശരീരത്തിലെ ചീത്ത കൊളസ്ട്രോൾ കുറയ്ക്കാൻ സഹായിക്കുന്നു.

. കാരറ്റ് വളരെ നാരുകളുള്ളതും ബീറ്റാ കരോട്ടിന്റെ മികച്ച ഉറവിടവുമാണ്. ഇത് നമ്മുടെ ശരീരത്തിലെ എൽഡിഎൽ ഓക്സീകരണം തടയാൻ സഹായിക്കുന്നു. ഇത് മികച്ച ഹൃദയാരോഗ്യത്തെ പ്രോത്സാഹിപ്പിക്കുന്നതിനൊപ്പം രക്തശുദ്ധീകരണത്തിനും സഹായിക്കുന്നു.

.  ഉയർന്ന നാരുകളുള്ള പച്ചക്കറിയും വിറ്റാമിൻ സിയുടെയും കാൽസ്യത്തിന്റെയും കലവറയായതിനാൽ ഹൃദയാരോഗ്യം നിലനിർത്താൻ സഹായിക്കുന്ന മറ്റൊരു ഭക്ഷണമാണ് ബ്രൊക്കോളി. ഇതിലെ ഉയർന്ന നാരുകൾ ചീത്ത കൊളസ്‌ട്രോളിനെ ശരീരത്തിൽ നിന്ന് നീക്കം ചെയ്യുന്നതിനും സഹായിക്കുന്നു. 

. പച്ച ഇലക്കറികൾ ഭക്ഷണത്തിൽ ഉൾപ്പെടുത്തുന്നത് നിർബന്ധമാണ്. ചീര ഒരു തികഞ്ഞ സീസണൽ പച്ചക്കറിയാണ്. അത് അവശ്യ വിറ്റാമിനുകളും ധാതുക്കളും നിറഞ്ഞതിനാൽ മാത്രമല്ല, ശരീരത്തിലെ ചീത്ത കൊളസ്‌ട്രോളിന്റെ അളവ് ഇല്ലാതാക്കാൻ സഹായിക്കുന്നു. ചീത്ത കൊളസ്‌ട്രോളിനെ ഇല്ലാതാക്കുന്നതിനുള്ള മികച്ച പച്ചക്കറിയാണ് പാലക്ക് ചീര.