രാവിലെ വെറും വയറ്റിൽ ജീരകം കുടിക്കൂ.., അറിയാം ഗുണങ്ങള്...
![drinking cumin](https://keralaonlinenews.com/static/c1e/client/94744/uploaded/480d5207a4d027e3f36d90fb9d1d3749.jpg?width=823&height=431&resizemode=4)
![drinking cumin](https://keralaonlinenews.com/static/c1e/client/94744/uploaded/480d5207a4d027e3f36d90fb9d1d3749.jpg?width=382&height=200&resizemode=4)
നിരവധി ആരോഗ്യ ഗുണങ്ങള് അടങ്ങിയ ഒരു സുഗന്ധവൃജ്ഞനമാണ് ജീരകം. രാവിലെ വെറും വയറ്റില് കുറച്ച് ജീരകം കഴിക്കുന്നത് നല്ലതാണെന്നാണ് ന്യൂട്രീഷ്യന്മാര് പറയുന്നത്. അത്തരത്തില് രാവിലെ വെറും വയറ്റിൽ ജീരകം കഴിക്കുന്നത് കൊണ്ടുള്ള ഗുണങ്ങള് എന്തൊക്കെയാണെന്ന് നോക്കാം...
ഒന്ന്...
ജീരകത്തില് ധാരാളം നാരുകള് അടങ്ങിയിട്ടുണ്ട്. അതിനാല് രാവിലെ വെറും വയറ്റില് ജീരകം കഴിക്കുന്നത് ദഹനം മെച്ചപ്പെടുത്താന് സഹായിക്കും.
രണ്ട്...
അസിഡിറ്റി പ്രശ്നമുള്ളവര്ക്കും രാവിലെ വെറും വയറ്റില് ജീരകം കഴിക്കുന്നത് നല്ലതാണ്. അസിഡിറ്റിയെ തടയാന് ഇവ സഹായിക്കും.
മൂന്ന്...
ജീരകത്തില് പൊട്ടാസ്യം, ഇരുമ്പ് തുടങ്ങിയ ധാതുക്കള് ധാരാളമായി അടങ്ങിയിട്ടുണ്ട്. അതിനാല് ദിവസവും രാവിലെ വെറും വയറ്റില് ജീരകമോ ജീരകവെള്ളമോ കുടിക്കുന്നത് ശരീരത്തിന്റെ രോഗ പ്രതിരോധശേഷി വര്ധിപ്പിക്കാന് സഹായിക്കും.
നാല്...
രാവിലെ വെറും വയറ്റില് ജീരക വെള്ളം കുടിക്കുന്നത് വണ്ണം കുറയ്ക്കാനും സഹായിക്കും. ജീരകത്തില് ധാരാളം നാരുകള് അടങ്ങിയിട്ടുണ്ട്. ഈ നാരുകള് ശരീരത്തില് കൊഴുപ്പ് അടിയുന്നത് ചെറുക്കുന്നു. ജീരക വെള്ളത്തില് കലോറിയും കുറവാണ്.
![](https://keralaonlinenews.com/static/c1e/static/themes/11/94744/4170/images/E-PLANET-ROAYAL-AND-DINESH-AD--1-.webp)
അഞ്ച്...
രക്തത്തിലെ പഞ്ചസാരയുടെ അളവ് പെട്ടെന്ന് ഉയരുന്നത് തടയാനും ജീരക വെള്ളം കുടിക്കുന്നത് നല്ലതാണ്.
ആറ്...
നീര്ജ്ജലീകരണത്തിന് ഏറ്റവും മികച്ചതാണ് ജീരകവെളളം. ശരീരത്തില് ആവശ്യത്തിന് ജലം ഇല്ലാത്ത അവസ്ഥയ്ക്ക് ജീരകവെള്ളം കുടിക്കുന്നതിലൂടെ പരിഹാരം കണ്ടെത്താം.
ഏഴ്...
പൊട്ടാസ്യം ധാരാളം അടങ്ങിയ ജീരകം ഉയര്ന്ന രക്തസമ്മര്ദ്ദത്തെ തടയാനും സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.