.jpg)
ഏലയ്ക്കയ്ക്ക് ഇത്രയും ഗുണങ്ങളോ !
സുഗന്ധവ്യഞ്ജനമായി ഉപയോഗിക്കുന്ന ഏലയ്ക്ക ആരോഗ്യത്തിന് വളരെയധികം ഗുണങ്ങൾ നൽകുന്നു.വിറ്റാമിൻ ബി 6, വിറ്റാമിൻ ബി 3, വിറ്റാമിൻ സി, സിങ്ക്, കാൽസ്യം, പൊട്ടാസ്യം എന്നിവ അടങ്ങിയിരിക്കുന്നതിനൊപ്പം പ്രോട്ടീനുകളും ആരോഗ്യകരമായ കൊഴുപ്പുകളും ഏലയ്ക്കയിൽ സമ്പന്നമായ അളവിൽ അടങ്ങിയിട്ടുണ്ട്.
ഏലയ്ക്കയുടെ സ്വാഭാവിക സംയുക്തങ്ങളും ആന്റിഓക്‌സിഡന്റ് ഗുണങ്ങളും രോഗങ്ങൾക്കും അണുബാധകൾക്കും എതിരെ പോരാടാൻ സഹായിക്കുന്നതിനാൽ ആരോഗ്യ ഗുണങ്ങളാൽ നിറഞ്ഞിരിക്കുന്നു.
രക്തസമ്മർദ്ദം, ആസ്ത്മ, ദഹനക്കേട് തുടങ്ങി നിരവധി രോഗങ്ങൾക്കുള്ള മികച്ച ആന്റിഓക്‌സിഡന്റായ ഏലയ്ക്ക ഉപയോഗിക്കുന്നു. ദഹനപ്രശ്നങ്ങൾ അകറ്റാൻ ഏലയ്ക്കയിലെ ആന്റിഓക്സിഡന്റുകൾ ഫലപ്രദമാണെന്ന് ആയുർവേദ വിദഗ്ധൻ ഡോ ദിക്സ ഭവ്സർ പറയുന്നു.
അടിവയറ്റിൽ കൊഴുപ്പ് അടിഞ്ഞുകൂടുന്നത് തടയാൻ ഏലയ്ക്ക മികച്ച രീതിയിൽ സഹായിക്കുന്നു. കൊഴുപ്പ് ശരീരത്തിൽ അധികമായി അടിഞ്ഞുകൂടുന്നത് ഉപാപചയ പ്രവർത്തനത്തെ തടസ്സപ്പെടുത്തുകയും ഹൃദയസംബന്ധമായ പ്രശ്നങ്ങളെ വർദ്ധിപ്പിക്കുകയും ചെയ്യുന്നു.
വായയിൽ നിന്ന് ദുർഗന്ധം വമിക്കുന്ന സൂക്ഷ്മാണുക്കളെ നേരിടാനും ദന്ത ശുചിത്വം മെച്ചപ്പെടുത്താനും ഇവ സഹായിക്കുന്നു. ഭക്ഷണത്തിന് ശേഷം, ഏലയ്ക്ക ചവയ്ക്കുന്നത് വായിൽ പുതുമയാർന്ന സുഗന്ധം പകരാനും, വായ്‌നാറ്റം ഒഴിവാക്കുവാനും സഹായിക്കും.
