​ഗോതമ്പുപ്പൊടി ഉപയോ​ഗിച്ച് സോഫ്റ്റായ ഇടിയപ്പം ഉണ്ടാക്കിയാലോ

ചേരുവകൾ

    ഗോതമ്പ് പൊടി – ഒരു കപ്പ്
    തിളച്ച വെള്ളം – ആവശ്യത്തിന്
    ഉപ്പ് – ആവശ്യത്തിന്
    നെയ്യ് – 1 ടീസ്പൂൺ
    തേങ്ങ ചിരകിയത് – ഒരു കപ്പ്

തയ്യാറാക്കുന്ന വിധം
​
​ഗോതമ്പ് പൊടി ചെറിയ തീയിൽ വറുത്തെടുക്കുകയോ ആവിയിൽ 10 മിനിറ്റ് വേവിക്കുകയോ ആണ് ആദ്യം ചെയ്യേണ്ടത്. ചൂടാറിയ ശേഷം ആവശ്യത്തിന് ഉപ്പ് ചേർത്ത് തിളച്ച വെള്ളം ഒഴിച്ചൊഴിച്ച് കുഴച്ചെടുക്കുക. ഇതിനിടെയിൽ അൽപം നെയ്യ് കൂടി ചേർത്താൽ ഇടിയപ്പം സോഫ്റ്റാകും.

ഈ മാവ് സേവനാഴിയിൽ നിറച്ച് ഇഡ്ഡലി തട്ടിൽ ചുറ്റിച്ചെടുക്കുക. തേങ്ങ ചിരകിയത് കൂടി ചേർത്താൽ രുചിയേറും.