.jpg)
സിങ്കപ്പൂര്‍ സ്റ്റൈലിലൊരു ഫ്രൈഡ് റൈസ് തയ്യാറാക്കിയാലോ
ആവശ്യമുള്ള സാധനങ്ങള്‍
ബസുമതി അരി -ഒരുകപ്പ്
വെളുത്തുള്ളി(ചെറുതായി അരിഞ്ഞത്) - ഒന്ന്
ഒലിവ് ഓയില്‍ -2 ടേബിള്‍ സ്പൂണ്‍
കുരുമുളക് -കാല്‍ടീസ്പൂണ്‍
സ്പ്രിങ് ഒണിയന്‍(ചെറുതായി അരിഞ്ഞത്) -അരക്കപ്പ്
ക്യാപ്സിക്കം -അരക്കപ്പ്
കാരറ്റ് (ചീകിയെടുത്തത്) -കാല്‍കപ്പ്
പച്ചമുളക് -ഒന്ന്
വിനാഗിരി -അരടേബിള്‍ സ്പൂണ്‍
റെഡ് ചില്ലി സോസ്-രണ്ട് ടേബിള്‍ സ്പൂണ്‍
ലൈറ്റ് സോയ സോസ് -ഒരു ടേബിള്‍ സ്പൂണ്‍
ചില്ലി ഗാര്‍ലിക് സോസ് -ഒരു ടേബിള്‍ സ്പൂണ്‍
ഉപ്പ് -ആവശ്യത്തിന്
തയ്യാറാക്കുന്ന വിധം
ആദ്യം ചോറ് വേവിച്ച് മാറ്റി വയ്ക്കുക. ഇത് നന്നായി തണുക്കണം. ചുവട് കട്ടിയുള്ള പാത്രത്തില്‍ ഒലിവ് എണ്ണ ഒഴിച്ച് വെളുത്തുള്ളി ഇതിലിട്ട് വഴറ്റുക. ഇതിലേക്ക് സ്പ്രിങ് ഒണിയന്‍, പച്ചമുളക് അരിഞ്ഞത്, കാരറ്റ് എന്നിവ ചേര്‍ത്ത് നന്നായി ഇളക്കിയെടുക്കുക. ഈ കൂട്ടിലേക്ക് ക്യാപ്സിക്കവും ഉപ്പും ചേര്‍ത്ത് നന്നായി വേവിക്കുക.
ഇതിലേക്ക് നേരത്തെ വേവിച്ചു വെച്ചിരിക്കുന്ന ചോറ് ചേര്‍ത്തുകൊടുക്കാം. ചോറ് ചേര്‍ത്തശേഷം എല്ലാ സോസുകളും വിനാഗിരിയും ചേര്‍ക്കാം. മുകളില്‍ കുരുമുളക് കൂടി ചേര്‍ത്തശേഷം നന്നായി ഇളക്കിച്ചേര്‍ക്കാം. സ്വാദിഷ്ടമായ സിങ്കപ്പൂര്‍ ഫ്രൈഡ് റൈസ് തയ്യാര്‍.
Tags
