രുചിയൂറും അവൽ ഉപ്പുമാവ് തയ്യാറാക്കിയാലോ?

ആരോഗ്യത്തിന്റെ കാര്യത്തിൽ വളരെയധികം ഗുണങ്ങൾ ഉള്ളതാണ് അവൽ .ഇതുകൊണ്ട് പല തരത്തിലുള്ള വിഭവങ്ങളും നമ്മൾ തയ്യാറാക്കാറുണ്ട് .അവൽ വിളയിച്ചത് കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന പലഹാരങ്ങളിൽ ഒന്നാണ്. ഇന്ന് നമുക്ക് രുചിയൂറും അവൽ ഉപ്പുമാവ് തയ്യാറാക്കാം .

വേണ്ട ചേരുവകൾ...

വെള്ള അവൽ                 ഒരു കപ്പ്
സവാള                             1 എണ്ണം (വലുത്)
പച്ചമുളക്                          2 എണ്ണം
ഇഞ്ചി                            കാൽ ടീസ്​പൂൺ 
കടുക്                             ഒരു ടീസ്​പൂൺ
നിലക്കടല                      രണ്ട് ടേബ്ൾ സ്​പൂൺ
നാരങ്ങ നീര്                       1 ടീസ്​പൂൺ
കറിവേപ്പില                        ഒരു തണ്ട്
മഞ്ഞൾപൊടി                   ഒരു നുള്ള്
ഉപ്പ്                                     ആവശ്യത്തിന്
എണ്ണ                                  ഒരു ടീസ്​പൂൺ 

തയാറാക്കുന്ന വിധം...

ആദ്യം അവൽ വെള്ളത്തിൽ നന്നായി കഴുകി അരിപ്പയിൽ വാരാൻ വയ്ക്കുക. ശേഷം പാനിൽ എണ്ണ ചൂടാക്കി കടുക് പൊട്ടിക്കുക. സവാള, പച്ചമുളക്, ഇഞ്ചി നിലക്കടല, കറിവേപ്പില എന്നിവയിട്ട് നന്നായി വഴറ്റി എടുക്കുക. ശേഷം അവലും ഉപ്പും മഞ്ഞൾ പൊടിയുമിട്ട് ഇളക്കി യോജിപ്പിക്കുക. ശേഷം നാരങ്ങ നീര് ചേർത്ത് ഇളക്കി രണ്ട് മിനിറ്റ് നേരം മൂടിവച്ച് വേവിക്കുക. (തേങ്ങ ചിരവിയത് കൂടി ചേർത്താൽ കൂടുതൽ രുചികരമാവും). ശേഷം ചൂടോടെ വിളമ്പുക.