സവാളയുണ്ടെങ്കില്‍ ഊണിനൊരുക്കാം കിടിലന്‍ തോരന്‍

ചേരുവകള്‍

1.സവാള – മൂന്നു വലുത്, നീളത്തില്‍ അരിഞ്ഞത്

മഞ്ഞള്‍പ്പൊടി – കാല്‍ ചെറിയ സ്പൂണ്‍

പച്ചമുളക് – രണ്ട്, അരിഞ്ഞത്

തേങ്ങാ ചുരണ്ടിയത് – ഒരു കപ്പ്

ഉപ്പ് – പാകത്തിന്

കുടംപുളി – ഒരു ചുള

വെള്ളം – ഒരു ചെറിയ സ്പൂണ്‍

2.കറിവേപ്പില – ഒരു തണ്ട്

വെളിച്ചെണ്ണ – ഒരു ചെറിയ സ്പൂണ്‍

പാകം ചെയ്യുന്ന വിധം

ഒന്നാമത്തെ ചേരുവ നന്നായി തിരുമ്മി യോജിപ്പിച്ച് പ്രഷര്‍ കുക്കറിലാക്കി വയ്ക്കുക.

മൂന്നു വിസില്‍ വന്ന ശേഷം കുക്കര്‍ തുറന്ന് കറിവേപ്പിലയും വെളിച്ചെണ്ണയും ചേര്‍ത്ത് ഇളക്കി വെള്ളം വറ്റിച്ചു വാങ്ങാം.