ഓലൻ സദ്യ സ്പെഷ്യൽ

ചേരുവകൾ

1. കുതിർത്ത് ഉപ്പിട്ട് വേവിച്ച വൻപയർ - 1/2 കപ്പ്

2. മത്തങ്ങ, കുമ്പളങ്ങ, കക്കിരി - 1/2 കപ്പ് വീതം (വലിയ ചതുരക്കഷണങ്ങളാക്കിയത്)

3. പച്ചമുളക് - 4 എണ്ണം (നെടുകേ കീറിയത്)

4. ഉപ്പ് - ആവശ്യത്തിന്

5. കറിവേപ്പില - 2 തണ്ട്

6. കട്ടിയുള്ള തേങ്ങാപാൽ - മുക്കാൽ കപ്പ്‌

7. വെളിച്ചെണ്ണ - 2 ടേബ്ൾസ്പൂൺ
തയാറാക്കുന്ന വിധം:

മുറിച്ചുവെച്ച പച്ചക്കറികൾ പച്ചമുളകും ആവശ്യത്തിന് ഉപ്പും ചേർത്ത് അൽപ്പം വെള്ളത്തിൽ വേവിക്കുക. ശേഷം വേവിച്ചുവെച്ച വൻ പയറും തേങ്ങാപ്പാലും കറിവേപ്പിലയും ചേർത്ത് യോജിപ്പിക്കുക. തിള വരുമ്പോൾ വെളിച്ചെണ്ണ ചേർത്ത ശേഷം ഇളക്കി ഇറക്കി വെക്കാം. സ്വാദിഷ്ടമായ ഓലൻ തയാർ.