ഒന്നാന്തരം ലസ്സി തയ്യാറാക്കാം
കട്ടിയുള്ള തൈര് – രണ്ട് കപ്പ്
തണുത്ത പാല് – 1/2 കപ്പ്
തണുത്ത വെള്ളം – ½കപ്പ്
പഞ്ചസാര – 3ടേബിള് സ്പൂണ്
ഏലയ്ക്കാപൊടി – 1 ടീസ്പൂണ്
പനിനീര് ½ ടിസ്പൂണ്
ഐസ് കട്ട 7-8
നുറുക്കിയ ബദാം – അലങ്കരിക്കാന്
നുറുക്കിയ അണ്ടിപ്പരിപ്പ് – അലങ്കരിക്കാന്
കുങ്കുമപ്പൂ സ്ട്രാന്റ്സ്-അലങ്കരിക്കാന്
തയാറാക്കുന്ന വിധം
ഒരു ബൗളില് കട്ടിയുള്ള തൈര് ഒഴിക്കുക.ഇതിലേക്ക് തണുത്ത പാല്, തണുത്ത വെള്ളം എന്നിവ ചേര്ത്ത് നന്നായി ഇളക്കി വിടുക. കുമിളകള് വരാതിരിക്കാന് ശ്രദ്ധിക്കണം.ഇതിലേക്ക് പഞ്ചസാരയും ഏലയ്ക്കാ പൊടിയും പനിനീരും ചേര്ക്കുക. ഇതിലേക്ക് ഐസ് കട്ട ഇട്ടതിന് ശേഷം നന്നായി കുലുക്കി കൊടുക്കുക. തയ്യാറാക്കിയ മിശ്രിതം ഒരു മിക്സിയിലെ ജാറിലേക്ക് മാറ്റുക.അതിന് ശേഷം എല്ലാം യോജിപ്പിക്കുക. തയ്യാറാക്കിയ പാനീയം ഗ്ലാസിലേക്ക് മാറ്റാം. അണ്ടിപ്പരിപ്പ് ,ബദാം കുങ്കുമപ്പൂ സ്ട്രാന്റ്സ് എന്നിവ വെച്ച് അലങ്കരിക്കാം.