രാത്രി ഭക്ഷണം ഹെൽത്തി ആയാലോ ? തയ്യാറാക്കാം ഓട്‌സ് പുലാവ്

ചേരുവകൾ 

ഓട്‌സ്: 150 ഗ്രാം
ബ്രൊക്കോളി: 50 ഗ്രാം
മഷ്‌റൂം: 20 ഗ്രാം
ഉളളി: 20 ഗ്രാം
പച്ചമുളക്: അഞ്ച് ഗ്രാം
ഇഞ്ചി: അഞ്ച് ഗ്രാം
സവാള (വറുത്തത്): രണ്ട് ടേബിള്‍സ്പൂണ്‍
മല്ലിയില: അഞ്ച് ഗ്രാം
കശുവണ്ടി: അഞ്ച് ഗ്രാം
നെയ്യ്: രണ്ട് ടേബിള്‍സ്പൂണ്‍
മഞ്ഞള്‍പ്പൊടി: അര ടീസ്പൂണ്‍
ഗരംമസാല: ഒരു ടീ സ്പൂണ്‍

തയ്യാറാക്കുന്ന വിധം 

ഒരു പാനില്‍ നെയ്യ് ചൂടാകുമ്പോള്‍ ഉള്ളി, പച്ചമുളക്, ഇഞ്ചി എന്നിവ വഴറ്റുക. ശേഷം എല്ലാ പച്ചക്കറികളും ചേര്‍ത്ത് ഒന്നുകൂടെ വഴറ്റാം. അതിനുശേഷം ഓട്‌സ് ചേര്‍ത്ത് നന്നായി മിക്‌സ് ചെയ്യുക. ഇനി ഉപ്പ്, മഞ്ഞള്‍പ്പെടി, ഗരം മസാല എന്നിവ ചേര്‍ത്ത് നന്നായി ഇളക്കുക. ശേഷം മല്ലിയില ചേര്‍ക്കുക. വറുത്ത ഉള്ളിയും കശുവണ്ടിയും വിതറി അലങ്കരിക്കാം.