കർക്കിടകത്തിൽ ആരോഗ്യരക്ഷ; തയ്യാറാക്കാം മുതിര പുഴുക്ക്

വേണ്ട ചേരുവകൾ

    മുതിര                                    1 കപ്പ് 
    മഞ്ഞൾ പൊടി                   1/2 സ്പൂൺ 
    മുളക്                                     2 എണ്ണം 
    കറിവേപ്പില                         2 തണ്ട് 
    പച്ചമുളക്                              2 എണ്ണം 
    ഉപ്പ്                                           1  സ്പൂൺ 
    തേങ്ങ                                    1/2 കപ്പ് 
    എണ്ണ                                        2 സ്പൂൺ 
    കടുക്                                     1 സ്പൂൺ 
    വെള്ളം                                  2 കപ്പ്

തയ്യാറാക്കുന്ന വിധം

മുതിര ആദ്യം വെള്ളത്തിൽ കുറച്ച് സമയം ഒന്ന് കുതിരാൻ ഇടുക. അതിനുശേഷം കുക്കറിലേക്ക് ഈ ഒരു മുതിരയും അതിന്റെ ഒപ്പം തന്നെ കുറച്ചു പച്ചമുളകും കറിവേപ്പിലയും ചേർത്ത് നല്ലപോലെ ഒന്ന് വേവിച്ചെടുക്കുക. ഒരു പാൻ വച്ച് ചൂടാകുമ്പോൾ അതിലേക്ക് ആവശ്യത്തിന് എണ്ണ ഒഴിച്ച് കൊടുത്ത് കടുകും ചുവന്ന മുളകും കറിവേപ്പിലയും ചേർത്തു കൊടുത്ത് വേകിച്ച മുതിര ചേർത്തു കൊടുത്തതിനുശേഷം ആവശ്യത്തിന് ഉപ്പും ചേർത്ത് കൊടുത്ത് ചിറകി തേങ്ങ ചേർത്ത് നന്നായി ഇളക്കി യോജിപ്പിക്കുക. മുതിര ഒരു മരുന്നു പോലെ കഴിക്കുന്ന ഒന്നാണ്. കർക്കിടക മാസത്തിൽ വളരെ പ്രധാനപ്പെട്ട ഒന്നു കൂടിയാണ്.