നോമ്പ് തുറക്കാൻ ഇത് ബെസ്റ്റാണ്.. ഒന്ന് കുടിച്ചു നോക്കൂ..

വളരെ ടേസ്റ്റിയും ഹെൽത്തിയുമായ ഒരു പാനീയമാണ് ഓറഞ്ച് കാരറ്റ് ജ്യൂസ്. ശരീരത്തിന്റെ പ്രതിരോധശേഷി വർദ്ധിപ്പിക്കാൻ സഹായിക്കുന്ന രുചികരമായ ഒരു ജ്യൂസ് രുചിക്കൂട്ട് കൂടിയാണിത്.

ആവശ്യമായവ 

കാരറ്റ് - 2 എണ്ണം
ഓറഞ്ച് - 4 എണ്ണം 
ഇഞ്ചി - ചെറിയ കഷ്ണം 
പഞ്ചസാര - ആവശ്യത്തിന് 
വെള്ളം - ആവശ്യത്തിന് 

തയ്യാറാക്കുന്ന വിധം 

കാരറ്റ് തൊലികളഞ്ഞു കഴുകി ചെറിയ കഷ്ണങ്ങളാക്കി മുറിച്ചെടുക്കുക. ഓറഞ്ച്, തൊലിയും കുരുവും കളഞ്ഞു എടുക്കുക. ശേഷം മിക്സിയുടെ ജാറിലേക്കു കാരറ്റ്, ഓറഞ്ച്, ഇഞ്ചി, പഞ്ചസാര, വെള്ളം എന്നിവ ചേർത്ത് നന്നായി അരച്ചെടുക്കുക. ഇനി അരിച്ചെടുത്ത് തണുപ്പിച്ച് കുടിക്കാം.