അച്ചായൻസ് സ്പെഷ്യൽ ബീഫ് വിന്താലു തയ്യാറാക്കിയാലോ

google news
BeefVinthalu

ചേരുവകൾ 

ബീഫ് -ഒരു കിലോ

സവാള -3

പച്ചമുളക് -5

വെളുത്തുള്ളി -16

ഇഞ്ചി -വലിയ കഷ്ണം

കറുവപ്പട്ട -6 കഷ്ണം

ഏലക്കായ -10

ഗ്രാമ്പൂ -12

മുളകുപൊടി -രണ്ടര ടേബിൾസ്പൂൺ

കാശ്മീരി ചില്ലി പൗഡർ -2 1/2 ടേബിൾസ്പൂൺ

മഞ്ഞൾപ്പൊടി -അര ടീസ്പൂൺ

വിനാഗിരി -5 ടേബിൾ സ്പൂൺ

വെളിച്ചെണ്ണ

തയ്യാറാക്കുന്ന വിധം 

ആദ്യം മസാലകളും ഇഞ്ചി വെളുത്തുള്ളി എന്നിവയും ചേർത്ത് നന്നായി അരച്ചെടുക്കുക, ഇതിലേക്ക് മുളകുപൊടിയും മഞ്ഞൾ പൊടിയും വിനാഗിരിയും ചേർത്ത് നല്ല പേസ്റ്റ് പോലെ ആക്കി എടുക്കണം, ഇനി വലിയ പാനിൽ വെളിച്ചെണ്ണ ഒഴിച്ച് ചൂടാക്കുക ആദ്യം സവാള അരിഞ്ഞതും കറിവേപ്പിലയും ചേർത്ത് നന്നായി വഴറ്റണം, അടുത്തതായി ഈ മസാല ചേർത്ത് എണ്ണ തെളിയുന്നതുവരെ വഴറ്റണം, ഉപ്പു ചേർക്കാൻ മറക്കരുത്അടുത്തതായി ബീഫ് കഷണങ്ങൾ ചേർത്തു കൊടുക്കാം കുറച്ച് വെള്ളവും കൂടി ഒഴിച്ചതിനുശേഷം എല്ലാം കൂടി യോജിപ്പിക്കുക, ഇനി ബീഫ് നന്നായി വേവുന്നത് വരെ ഇടയ്ക്കിടെ ഇളക്കി കൊടുത്തുകൊണ്ടിരിക്കണം, പാത്രം മൂടിവച്ചും വേവിക്കാം, അവസാനമായി കറിവേപ്പില കൂടി ചേർത്ത് മാറ്റിവയ്ക്കാം

Tags