നിങ്ങള്‍ കാണിക്കുന്ന സമര്‍പ്പണം സമാനതകളില്ലാത്തതാണ്.. ; പൃഥ്വിയെ കുറിച്ച് സുപ്രിയ

ആടുജീവിതത്തിനായി പൃഥ്വിരാജ് നടത്തിയ യാത്രയെ കുറിച്ച് സുപ്രിയ പറയുന്നു. ഒട്ടനവധി സിനിമകളില്‍ പൃഥ്വിയെ കണ്ടിട്ടുണ്ടെങ്കിലും ആടുജീവിതം പോലൊരു സിനിമ ഇതുവരെയും സംഭവിച്ചിട്ടില്ലെന്നും സുപ്രിയ കുറിക്കുന്നു. ആടുജീവിതം സെറ്റില്‍ നിന്നുമുള്ള ഫോട്ടോകളും ഇവര്‍ ഷെയര്‍ ചെയ്തിട്ടുണ്ട്. 

'ഇന്ന് പര്യവസാനിക്കുന്ന 16 വര്‍ഷത്തെ യാത്രയെ നിങ്ങള്‍ എന്ത് പേരിട്ട് വിളിക്കും? 2006 നവംബര്‍ മുതല്‍ പൃഥ്വിയെ എനിക്ക് അറിയാം. 2011ല്‍ ആയിരുന്നു ഞങ്ങളുടെ വിവാഹം. ഒരുപാട് സിനിമകളില്‍ ഞാന്‍ അദ്ദേഹത്തെ കണ്ടിട്ടുണ്ട്. എന്നാല്‍ മുമ്പൊരിക്കലും ഇതുപോലൊന്ന് സംഭവിച്ചിട്ടില്ല. ഭ്രാന്തമായ ഉപവാസ ദിനങ്ങളിലൂടെ പോയ നിങ്ങളെ ഞാന്‍ കണ്ടിട്ടുണ്ട്, നിരന്തരം വിശന്നിരുന്നു, ഭാരം കുറയുന്നത് നിരീക്ഷിച്ചു, ക്ഷീണവും ബലഹീനതയും അനുഭവപ്പെട്ടു. കൊവിഡ് കാലത്ത് ലോകം മുഴുവന്‍ ഒരുമിച്ചിരിക്കുമ്പോള്‍, മരുഭൂമിയിലെ ക്യാമ്പില്‍ നിങ്ങള്‍ക്ക് മതിയായ ബാന്‍ഡ്‌വിഡ്ത്ത് ഉണ്ടായിരുന്ന വിലയേറിയ നിമിഷങ്ങള്‍ക്കിടയില്‍ നമ്മള്‍ പരസ്പരം ഇന്റര്‍നെറ്റിലൂടെ സംസാരിച്ചു. ഈ സിനിമയ്ക്ക് വേണ്ടി മറ്റ് ഭാഷകളിലെ അവസരങ്ങള്‍ വേണ്ടെന്ന് വച്ചു. ആടുജീവിതത്തില്‍ മാത്രം ശ്രദ്ധ കേന്ദ്രീകരിച്ചു. കലയ്ക്കും നിങ്ങള്‍ക്കായി നിലകൊള്ളുന്ന എല്ലാത്തിനും വേണ്ടി നിങ്ങള്‍ തിരഞ്ഞെടുത്ത യാത്രയാണ് ആടുജീവിതം. ബ്ലെസിക്കും മറ്റുള്ളവര്‍ക്കും ഒപ്പം മനസ്സും ശരീരവും സ്‌ക്രീനില്‍ ഒരു മനുഷ്യന്റെ ജീവിതം ഉള്‍ക്കൊള്ളുക ആയിരുന്നു. നിങ്ങളുടെ എല്ലാ ശ്രമങ്ങളും ഇന്ന് (മാര്‍ച്ച് 28) ഫലപ്രാപ്തിയിലെത്തുമ്പോള്‍ എനിക്ക് ഒന്നേ പറയാനുള്ളൂ, നിങ്ങള്‍ കാണിക്കുന്ന സമര്‍പ്പണം സമാനതകളില്ലാത്തതാണ്. നിങ്ങള്‍ എപ്പോഴും എന്റെ കണ്ണില്‍ G.O.A.T ആണ്',എന്നാണ് സുപ്രിയ കുറിച്ചത്.