സിദ്ധാര്ത്ഥ് പ്രിയദര്ശന് വിവാഹിതനായി
സംവിധായകന് പ്രിയദര്ശന്റെയും നടി ലിസിയുടെ മകനും വിഷ്വല് എഫക്റ്റ്സ് സൂപ്പര്വൈസറുമായ സിദ്ധാര്ഥ് പ്രിയദര്ശന് വിവാഹിതനായി. അമേരിക്കന് സ്വദേശി മെര്ലിന് ആണ് വധു.
ചെന്നൈയിലെ പുതിയ ഫ്ളാറ്റില് തീര്ത്തും സ്വകാര്യമായി നടന്ന ചടങ്ങില് പ്രിയദര്ശനും ലിസിയും കല്ല്യാണി പ്രിയദര്ശനുമടക്കം അടുത്ത ബന്ധുക്കളും സുഹൃത്തുക്കളുമായി പത്തോളം പേര് മാത്രമാണ് പങ്കെടുത്തത്.
വെള്ളിയാഴ്ച വൈകിട്ട് 6.30 ന് ആയിരുന്നു വിവാഹം. പ്രിയദര്ശന് സംവിധാനം ചെയ്ത മരക്കാര് അറബിക്കടലിന്റെ സിംഹം എന്ന ചിത്രത്തിന്റെ വിഷ്വല് എഫക്റ്റ്സ് സിദ്ധാര്ഥിന്റെ നേതൃത്വത്തിലാണ് ചെയ്തത്. അമേരിക്കയില് ഗ്രാഫിക്സ് കോഴ്സ് പൂര്ത്തിയാക്കിയതിനു ശേഷമാണ് മരക്കാറില് സിദ്ധാര്ഥ് പ്രവര്ത്തിച്ചത്. മരക്കാറിന് ലഭിച്ച മൂന്ന് ദേശീയ പുരസ്കാരങ്ങളില് ഒന്ന് വിഷ്വല് എഫക്റ്റ്സിന് ആയിരുന്നു.