സംവിധായകന് ഒമര് ലുലുവിനെതിരെ ലൈംഗികാതിക്രമ കേസ്
May 29, 2024, 07:00 IST
![‘അഡാര് ലൗ’ ടീസറിന് മുപ്പത് മില്യണ് കാഴ്ചക്കാര്; മലയാള സിനിമയില് ആദ്യമെന്ന് ഒമര് ലുലു](https://keralaonlinenews.com/static/c1e/client/94744/migrated/280b32896a6874d37b15d1e57037fe6d.jpg?width=823&height=431&resizemode=4)
![‘അഡാര് ലൗ’ ടീസറിന് മുപ്പത് മില്യണ് കാഴ്ചക്കാര്; മലയാള സിനിമയില് ആദ്യമെന്ന് ഒമര് ലുലു](https://keralaonlinenews.com/static/c1e/client/94744/migrated/280b32896a6874d37b15d1e57037fe6d.jpg?width=382&height=200&resizemode=4)
സംവിധായകന് ഒമര് ലുലുവിനെതിരെ ബലാത്സംഗ കേസെടുത്ത് പൊലീസ്. യുവ നടിയാണ് ഒമര് ലുലുവിനെതിരെ പരാതി നല്കിയത്. സിനിമയില് അവസരം വാഗ്ദാനം ചെയ്ത് നിരവധി തവണ പീഡിപ്പിച്ചെന്നാണ് നടിയുടെ പരാതിയില് പറയുന്നത്. കേസില് നെടുമ്പാശ്ശേരി പൊലീസ് നടിയുടെ മൊഴി രേഖപ്പെടുത്തി.
അതേസമയം, കേസിന് പിന്നില് വ്യക്തിവിരോധം ആണെന്നാണ് ഒമര് ലുലു പ്രതികരിച്ചത്. നടിയുമായി അടുത്ത സൗഹൃദം ഉണ്ടായിരുന്നുവെന്നും സൗഹൃദം ഉപേക്ഷിച്ചതിലുള്ള വിരോധമാണ് പരാതിക്ക് പിറകിലെന്നും ഒമര് ലുലു പറഞ്ഞു. പണം തട്ടിയെടുക്കാനുള്ള ബ്ലാക്മെയിലിംഗിന്റെ ഭാഗം കൂടിയാണ് പരാതിയെന്നും സംവിധായകന് ആരോപിച്ചു.