പുൽകിത് സമ്രാട്ടും കൃതി ഖർബന്ദയും വിവാഹിതരായി

ബോളിവുഡിൽ നിന്ന് വീണ്ടും താര വിവാഹം. നടൻ പുൽകിത് സമ്രാട്ടും നടി കൃതി ഖർബന്ദയും വിവാഹിതരായി. ​ഗുഡ്​ഗാവിൽ വച്ച് ഇന്നലെയായിരുന്നു വിവാഹം. അടുത്ത ബന്ധുക്കളും സുഹൃത്തുക്കളുമാണ് വിവാഹത്തിൽ പങ്കെടുത്തത്. ദമ്പതികൾ തന്നെയാണ് വിവാഹ ചിത്രങ്ങൾ സോഷ്യൽ മീഡിയയിൽ പങ്കുവച്ചത്.

അഞ്ച് വർഷം നീണ്ട പ്രണയത്തിനൊടുവിലായിരുന്നു ഇരുവരുടെയും വിവാഹം. പഗൽപന്തി എന്ന ചിത്രത്തിന്റെ സെറ്റിൽ വച്ചാണ് ഇരുവരും പ്രണയത്തിലാവുന്നത്. തുടർന്ന് നിരവധി സിനിമകളിൽ ഇരുവരും ഒന്നിച്ചെത്തി. വീരേ കി വെഡ്ഡിങ്, തായിഷ് എന്നിവയാണ പ്രധാന ചിത്രങ്ങൾ. കന്നഡ, ഹിന്ദി, തെലുങ്ക് സിനിമകളിലൂടെയാണ് കൃതി ശ്രദ്ധേയയാവുന്നത്. പുൽകിതിന്റെ രണ്ടാം വിവാഹമാണിത്.