'പൊലീസ് ഡേ' ഫസ്റ്റ് ലുക്ക് പോസ്റ്റർ പുറത്ത്
Mar 25, 2024, 12:00 IST
![police day](https://keralaonlinenews.com/static/c1e/client/94744/uploaded/97b576b4f667c2109658814bfc435859.jpg?width=823&height=431&resizemode=4)
![police day](https://keralaonlinenews.com/static/c1e/client/94744/uploaded/97b576b4f667c2109658814bfc435859.jpg?width=382&height=200&resizemode=4)
നവാഗതനായ സന്തോഷ് മോഹൻ പാലോട് സംവിധാനം ചെയ്യുന്ന പൊലീസ് ഡേ ചിത്രത്തിൻ്റെ ഫസ്റ്റ് ലുക്ക് പോസ്റ്റർ പുറത്തിറങ്ങി. ഒരു പൊലീസ് ഉദ്യോഗസ്ഥൻ്റെ മരണമാണ് ഈ ചിത്രത്തിലൂടെ അവതരിപ്പിക്കുന്നത്.
പൊലീസ് യൂണിഫോമിൽ നന്ദുവും ടിനി ടോമും ഇടത്തും വലത്തുമായി നിൽക്കുമ്പോൾ നടുവിലായി അൻസിബയേയും പോസ്റ്ററിൽ കാണാം. അതിനു താഴെയായി മൂന്നു പൊലീസ് ഉദ്യോഗസ്ഥർ നടന്നു വരുന്നു. അതിലൊരാൾ വനിതയാണ്.
ഡി.വൈ.എസ്.പി. ലാൽ മോഹന്റെ നേതൃത്വത്തിലുള്ള ഇൻവെസ്റ്റിഗേഷനാണ് ത്രില്ലർ മൂഡിൽ ഈ ചിത്രത്തിലൂടെ അവതരിപ്പിക്കുന്നത്. ഒരു പൊലീസ് സ്റ്റോറിയുടെ എല്ലാ ഉദ്വേഗവും സസ്പെൻസും കോർത്തിണക്കിയ ഒരു ക്ലീൻ എൻ്റർടൈനറായിരിക്കും ചിത്രമെന്ന് അണിയറുപ്രവർത്തകർ അവകാശപ്പെടുന്നു .