'കാതൽ ദി കോർ' മാഡ്രിഡിലെ ഇമാജിൻ ഇന്ത്യ ഫിലിം ഫെസ്റ്റിവലിലേക്ക്
![kathal the core](https://keralaonlinenews.com/static/c1e/client/94744/uploaded/856dfddb06abeddaa1fe6e60fe8a50c9.jpg?width=823&height=431&resizemode=4)
![kathal the core](https://keralaonlinenews.com/static/c1e/client/94744/uploaded/856dfddb06abeddaa1fe6e60fe8a50c9.jpg?width=382&height=200&resizemode=4)
ഏറെ നിരൂപക പ്രശംസ നേടിയ മമ്മൂട്ടി ചിത്രം 'കാതൽ ദി കോർ' മാഡ്രിഡിലെ ഇമാജിൻ ഇന്ത്യ ഫിലിം ഫെസ്റ്റിവലിലേക്ക് ഔദ്യോഗികമായി തിരഞ്ഞെടുത്തു. ചിത്രത്തിന്റെ നിർമ്മാതാക്കളായ മമ്മൂട്ടി കമ്പനി തന്നെയാണ് സോഷ്യൽ മീഡിയയിൽ ഇക്കാര്യം അറിയിച്ചത്. മാഡ്രിഡ് ഇമാജിൻ ഇന്ത്യ ഫിലിം ഫെസ്റ്റിവലിൽ 'കാതൽ ദി കോർ' തിരഞ്ഞെടുത്തതിൽ ഒരുപാട് സന്തോഷം എന്ന് കുറിച്ചാണ് മമ്മൂട്ടി കമ്പനി ഈ വിവരം അറിയിച്ചത്.
ജിയോ ബേബി സംവിധാനം ചെയ്ത ചിത്രത്തിൽ സ്വവർഗാനുരാഗിയായ കഥാപാത്രത്തെ ആയിരുന്നു മമ്മൂട്ടി അവതരിപ്പിച്ചിരുന്നത്. നടന്റെ അഭിനയ മികവിനെയും ജൂറി പ്രശംസിച്ചിരുന്നു. ഗോവയില് നടന്ന ഐഎഫ്എഫ്ഐയിലും കേരള രാജ്യാന്തര ചലച്ചിത്രമേളയിലും കാതലിന് വലിയ സ്വീകാര്യതയാണ് ലഭിച്ചത്. നവംബര് 23നാണ് കാതൽ റിലീസ് ചെയ്തത്. ജ്യോതിക, സുധി കോഴിക്കോട്, ചിന്നു ചാന്ദ്നി, മുത്തുമണി തുടങ്ങിയവരാണ് മറ്റു താരങ്ങൾ.
ഇന്ത്യയിൽ നിന്ന് കാതൽ കൂടാതെ 'പ്രൈവസി', 'ഡിയർ ലതിക', 'എ മാച്ച്', 'കാലിഡോസ്കോപ്പ് നൗ', എന്നീ നാല് ചിത്രങ്ങളും ഫെസ്റ്റിവലിൽ തിരഞ്ഞെടുത്തിട്ടുണ്ട്.