ഗുരുവായൂരമ്പല നടയില് 50 കോടിയിലേക്ക്
![guruvayoorambala nadayil](https://keralaonlinenews.com/static/c1e/client/94744/uploaded/f1e63e25703f6c0877e837c34ee5e8df.jpg?width=823&height=431&resizemode=4)
![guruvayoorambala nadayil](https://keralaonlinenews.com/static/c1e/client/94744/uploaded/f1e63e25703f6c0877e837c34ee5e8df.jpg?width=382&height=200&resizemode=4)
പൃഥ്വിരാജ് ബേസില് ജോസഫ് ചിത്രം ഗുരുവായൂരമ്പല നടയില് റിലീസിന് പിന്നാലെ മികച്ച പ്രതികരണമാണ് നേടുന്നത്. മികച്ച കോമഡി ടൈമിങ്ങുമായി പൃഥ്വി തന്നെയാണ് സിനിമയില് ഏറ്റവുമധികം കയ്യടി വാങ്ങുന്നത്. ആ കയ്യടികള് സിനിമയുടെ കളക്ഷനിലും പ്രതിഫലിക്കുന്നുവെന്ന് വ്യക്തമാക്കുന്നതാണ് സിനിമയുടെ ഇതുവരെയുള്ള കളക്ഷന് റിപ്പോര്ട്ട്.
വിപിന് ദാസ് സംവിധാനം ചെയ്ത ചിത്രം മൂന്ന് ദിവസം കൊണ്ട് 30 കോടിയിലധികം രൂപയാണ് ആഗോളതലത്തില് നേടിയിരിക്കുന്നത്. 15.55 കോടിയാണ് മൂന്ന് ദിവസത്തെ ഓവര്സീസ് കളക്ഷന്. മൂന്നാം ദിവസം മാത്രം ചിത്രം കേരളത്തില് നിന്ന് അഞ്ച് കോടിയിലധികം രൂപ നേടിയതായാണ് അനലിസ്റ്റുകള് റിപ്പോര്ട്ട് ചെയ്യുന്നത്. സിനിമയ്ക്ക് ലഭിക്കുന്ന പ്രതികരണം തുടരുകയാണെങ്കില് അടുത്ത ദിവസം തന്നെ ഗുരുവായൂരമ്പല നടയില് 50 കോടി ക്ലബ്ബിലേക്ക് കടക്കും.
അനശ്വര രാജന്, നിഖില വിമല്, ജഗദീഷ്, ബൈജു, യോഗി ബാബു, ഇര്ഷാദ്, പി വി കുഞ്ഞികൃഷ്ണന് തുടങ്ങിയവര് ചിത്രത്തില് പ്രധാന വേഷത്തിലെത്തുന്നുണ്ട്.