ബോക്സോഫീസിൽ മികച്ച കളക്ഷനുമായി 'ദേവര'

ബോക്സോഫീസിൽ മികച്ച കളക്ഷനുമായി ജൂനിയർ എൻ.ടി.ആറിന്റെ ദേവര.മൂന്ന് ദിവസം കൊണ്ട് 304 കോടിയാണ് ചിത്രം നേടിയിരിക്കുന്നത്. സിനിമയുടെ നിർമാതാക്കാളാണ് ഇക്കാര്യം അറിയിച്ചിരിക്കുന്നത്. ജൂനിയര്‍ എൻ.ടി.ആറും കൊരട്ടാല ശിവയും ഒന്നിച്ച ചിത്രത്തിന്‍റെ ഓപ്പണിങ് കളക്ഷൻ 172 കോടിയായിരുന്നു. മികച്ച പ്രേക്ഷക സ്വീകാര്യത നേടി നാലാം ദിനവും ചിത്രം പ്രദർശനം തുടരുകയാണ്.

തെലുങ്ക്, തമിഴ്, കന്നഡ, ഹിന്ദി, മലയാളം ഭാഷകളിൽ റിലീസ് ചെയ്ത ചിത്രത്തിന്റെ തെലുങ്ക് പതിപ്പ് നേടിയത്.87.69 കോടിയാണ്. മറ്റു ഭാഷകളിലും ശ്രദ്ധേയമായ കളക്ഷനാണ് ചിത്രത്തിന് ലഭിക്കുന്നത്. ദേവരക്ക് മികച്ച പ്രേക്ഷക നിരൂപക പ്രശംസയാണ് ലഭിക്കുന്നത്. ജൂനിയ‍ർ എൻ.ടി.ആറിന്‍റെ ഹൈ വോൾട്ടേജ് ആക്ഷനും, കടലിലെ ഏറ്റുമുട്ടലുകളും, മാസ് രംഗങ്ങളും ആരാധകരുടെ ഇടയിൽ ചർച്ചയായിട്ടുണ്ട്.