'വിശ്വംഭര'യ്ക്കായി ചിരഞ്ജീവി എത്തി

 ഫാന്റസി അഡ്വഞ്ചർ ബിഗ് ബജറ്റ് ചിത്രം 'വിശ്വംഭര'യുടെ ഹൈദരാബാദിലെ സെറ്റിൽ ചിരഞ്ജീവി ജോയിൻ ചെയ്തു.'ബിംബിസാര' ഫെയിം വസിഷ്ഠയാണ്  രചനയും സംവിധാനവും നിർവ്വഹിക്കുന്നത് .പ്രമുഖ പ്രൊഡക്ഷൻ ഹൗസായ യുവിക്രിയേഷൻസിന്റെ ബാനറിൽ വിക്രം, വംശി, പ്രമോദ് എന്നിവർ ചേർന്ന് നിർമ്മിക്കുന്ന ഈ ചിത്രം 2025 ജനുവരി 10 മുതൽ തിയേറ്ററുകളിലെത്തും.

നവംബർ അവസാനവാരത്തിലാണ് 'വിശ്വംഭര'യുടെ ചിത്രീകരണം ആരംഭിച്ചത്. ചിരഞ്ജീവിയുടെ ഇതുവരെയുള്ള സിനിമകളേക്കാൾ ഏറ്റവും ചിലവേറിയ ചിത്രമാണിത്. സിനിമയുടെ പ്രധാന ഭാഗങ്ങൾ ചിത്രീകരിക്കുന്നതിനായ് 13 കൂറ്റൻ സെറ്റുകളാണ് ടീം സ്ഥാപിച്ചിരിക്കുന്നത്.