തിരുവനന്തപുരത്ത് മൂന്നു കിലോഗ്രാം കഞ്ചാവുമായി യുവാവ് അറസ്റ്റിൽ
തിരുവനന്തപുരം :മൂന്നു കിലോഗ്രാം കഞ്ചാവുമായി യുവാവ് പിടിയിൽ. വിഴിഞ്ഞം ആവാടുതുറ പന്തപ്ലാവിള വീട്ടിൽ ഷിബു (39) ആണ് മെഡിക്കൽ കോളജ് പൊലീസിന്റെ പിടിയിലായത്.തിരുവനന്തപുരം മെഡിക്കൽ കോളജിനു സമീപമുള്ള ലോഡ്ജിൽ നിന്നുമാണ് പിടിയിലായത്. മെഡിക്കൽ കോളജിന് സമീപമുള്ള ലോഡ്ജുകൾ കേന്ദ്രീകരിച്ച് വൻതോതിൽ കഞ്ചാവ് എത്തിച്ച് ഇടനിലക്കാർ മുഖേന ചില്ലറ വിൽപ്പന നടത്തിവരുന്നതായി കിട്ടിയ രഹസ്യ വിവരത്തിന്റെ അടിസ്ഥാനത്തിൽ നടത്തിയ തിരച്ചിലിലാണ് പ്രതി പിടിയിലായത്.
മെഡിക്കൽ കോളജ് സിഐ പി. ഹരിലാലിന്റെ നേതൃത്വത്തിൽ എസ്ഐ സി.പി. പ്രശാന്ത്, സിപിഒമാരായ ബി. രഞ്ജിത്ത്, പ്രസാദ്, എന്നിവരടങ്ങിയ സംഘമാണ് പ്രതിയെ പിടികൂടിയത്. ഇയാളെ കോടതിയിൽ ഹാജരാക്കി.