പാലക്കാട് വീട്ടിൽ ഒളിപ്പിച്ചുവെച്ച കഞ്ചാവുമായി വയോധികൻ അറസ്റ്റിൽ

പാലക്കാട്: പട്ടാമ്പിയിൽ വീട്ടിൽ ഒളിപ്പിച്ചുവെച്ച കഞ്ചാവുമായി ഒരാളെ അറസ്റ്റ് ചെയ്തു. പട്ടാമ്പി തിരുവേഗപ്പുറ സ്വദേശി മുസ്തഫ (66) ആണ് അറസ്റ്റിലായത്. വാടക വീടിനുള്ളിൽ വിൽപ്പനയ്ക്കായി സൂക്ഷിച്ചിരിക്കുകയായിരുന്ന 8.32 കിലോഗ്രാം കഞ്ചാവാണ് എക്സൈസ് പരിശോധനയിൽ കണ്ടെത്തിയത്.

പട്ടാമ്പി എക്സൈസ് റേഞ്ച് ഇൻസ്‌പെക്ടർ എച്ച്.വിനുവും സംഘവും ചേർന്നാണ് കേസ് കണ്ടെടുത്തത്. പ്രിവന്റീവ് ഓഫീസർ രാജേന്ദ്രൻ എ.ആർ, സിവിൽ എക്സൈസ് ഓഫീസർമാരായ ജയപ്രകാശ് കെ, അനിൽകുമാർ ടി.പി, നന്ദു, അനൂപ് രാജ്.ആർ.എൽ, വനിത സിവിൽ എക്സൈസ് ഓഫീസർ ആരതി സി എന്നിവരും കഞ്ചാവ് പിടികൂടിയ സംഘത്തിൽ ഉണ്ടായിരുന്നു.