കോഴിക്കോട് 1.44 കിലോ ഗ്രാം കഞ്ചാവുമായി യുവാവ് പിടിയിൽ

കോഴിക്കോട്:   കഞ്ചാവുമായി യുവാവ് പിടിയിൽ .പൊലീസിനെ കണ്ട് ഓടിയ യുവാവിനെ പിടികൂടി പരിശോധിച്ചപ്പോൾ കിട്ടിയത് 1.44 കിലോ ഗ്രാം കഞ്ചാവ്. കല്ലായി മുഖദാർ സ്വദേശി സമ്മു നിവാസിൽ അബ്ദുൽ സമദ്(46) ആണ് ചെമ്മങ്ങാട് പൊലീസിന്റെ പിടിയിലായത്. കഴിഞ്ഞ ദിവസം മുഖദാർ ജുമാമസ്ജിദിന് സമീപത്ത് വെച്ച് പൊലീസ് പട്രോളിംഗിനിടെയാണ് സമദ് പിടിയിലാകുന്നത്. 

ചെമ്മങ്ങാട് പൊലീസിന്റെ റൗഡി ലിസ്റ്റിൽ ഉൾപ്പെട്ടയാളാണ് സമദ്. പൊലീസ് പട്രോളിംഗ് സംഘത്തെ കണ്ടയുടനെ സമദ് ഓടുകയായിരുന്നു. പൊലീസ് പിൻതുടർന്ന് പിടികൂടി പരിശോധിച്ചപ്പോഴാണ് കഞ്ചാവ് ലഭിച്ചത്. ഇയാൾ കോഴിക്കോട് കസബ സ്‌റ്റേഷനിൽ ഉൾപ്പെടെ വിവിധ സ്റ്റേഷനുകളിലായി ആറോളം കേസുകളിൽ പ്രതിയാണ്. കോടതിയിൽ ഹാജരാക്കിയ അബ്ദുൽ സമദിനെ 14 ദിവസത്തേക്ക് റിമാന്റ് ചെയ്തു.