കോഴിക്കോട് ദമ്പതികൾ കഞ്ചാവുമായി പിടിയിലായി

കോഴിക്കോട് : വടകരയിൽ ദമ്പതികൾ കഞ്ചാവുമായി പിടിയിലായി. ഭർത്താവിന് പിന്നാലെയാണ് ഭാര്യയും പിടിയിലായത്. വില്യാപ്പിള്ളി സ്വദേശി അബ്ദുൾ കരീം, റുഖിയ എന്നിവരാണ് പിടിയിലായത്. അബ്ദുൾ കരീം നിരവധി കേസുകളിലെ പ്രതിയാണ്.  വടകരയിൽ നിന്ന് പിടികൂടിയ അബ്ദുൾ കരീമിൽ നിന്നും 10 ​ഗ്രാം കഞ്ചാവാണ് പൊലീസ് ആദ്യം കണ്ടെടുത്തത്. ഇയാളുടെ ഭാര്യ റുഖിയയിൽ നിന്ന് 25​ ​ഗ്രാം കഞ്ചാവും പിടിച്ചെടുത്തു. 

എക്സൈസിന് ലഭിച്ച വിവരത്തിലാണ് വില്യാപ്പിള്ളിയിലെ റുഖിയയുടെ വീട്ടിൽ പരിശോധന നടത്തിയത്. ഇവിടെ നിന്നും 15 ​ഗ്രാം കഞ്ചാവും തൂക്കാൻ ഉപയോ​ഗിക്കുന്ന ഉപകരണവും കണ്ടെടുത്തു. തുടർന്ന് നടത്തിയ ചോദ്യം ചെയ്യലിലാണ് ഈ വീട്ടിൽ കഞ്ചാവ് വിൽപ്പന നടത്താറുണ്ടെന്നും റുഖിയ നേരത്തെ പിടികൂടിയ അബ്ദുൾ കരീമിന്റെ ഭാര്യയാണെന്നും എക്സൈസ് ഉദ്യോ​ഗസ്ഥർക്ക് വ്യക്തമായത്. ഇരുവരുടേയും അറസ്റ്റ് രേഖപ്പെടുത്തി.