പ്രായപൂർത്തിയാകാത്ത പെൺകുട്ടിയെ പീഡിപ്പിക്കാൻ ശ്രമിച്ച സംഭവം : ഒളിവിൽ കഴിഞ്ഞ പ്രതി പിടിയിൽ
May 13, 2024, 14:30 IST
![arrest](https://keralaonlinenews.com/static/c1e/client/94744/uploaded/5765e713ad1a8e426a9488dad230b752.jpg?width=823&height=431&resizemode=4)
പുന്നയൂർക്കുളം: പ്രായപൂർത്തിയാകാത്ത പെൺകുട്ടിയെ പീഡിപ്പിക്കാൻ ശ്രമിച്ച കേസിൽ പ്രതി പിടിയിൽ. വടക്കേക്കാട് കുന്നാനേയിൽ വീട്ടിൽ സക്കീറിനെയാണ് (35) വടക്കേക്കാട് പൊലീസ് പിടികൂടിയത്. സംഭവത്തിനുശേഷം ഒരു വർഷമായി സക്കീർ ഒളിവിലായിരുന്നു.
പാലക്കാട് ജില്ലയിലെ അഗളി പൊലീസ് സ്റ്റേഷൻ പരിധിയിലെ രഹസ്യകേന്ദ്രത്തിൽ നിന്നാണ് ഇയാളെ പിടികൂടിയത്. മൂന്ന് പോക്സോ കേസുകളും മൂന്ന് കൊലപാതക ശ്രമക്കേസുകളും ഉൾപ്പടെ 11 കേസുകളിലെ പ്രതിയാണ്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.