കോട്ടയത്ത് എം.ആർ.എഫിൽ ജോലി വാഗ്ദാനം ചെയ്ത് പണം തട്ടിയ കേസിൽ രണ്ടുപേർ പിടിയിൽ
Nov 23, 2022, 20:20 IST
മുട്ടം: കോട്ടയം എം.ആർ.എഫിൽ ജോലി വാഗ്ദാനം ചെയ്ത് പണം തട്ടിയ കേസിൽ രണ്ടുപേർ പിടിയിൽ. വൈക്കം സ്വദേശി പുത്തൻതറയിൽ ബിനീഷ് (44), കോളപ്ര സ്വദേശി വേലങ്ങുന്നേൽ അനൂപ് എന്നിവരാണ് പിടിയിലായത്. ജോലി വാഗ്ദാനം നൽകി കോളപ്ര സ്വദേശി മഞ്ഞക്കുഴിയിൽ വിനീഷിൽനിന്ന് ഒന്നര ലക്ഷം രൂപ വാങ്ങിയശേഷം ജോലി നൽകാതെ വഞ്ചിച്ചെന്നതാണ് കേസ്. ബിനീഷിനെ മുട്ടം ചീഫ് ജുഡീഷ്യൽ മജിസ്ട്രേറ്റ് കോടതിയിൽ ഹാജരാക്കി 14 ദിവസത്തേക്ക് റിമാൻഡ് ചെയ്തു. ഇയാൾക്കെതിരെ വൈക്കം സ്റ്റേഷനിലും ജോലി തട്ടിപ്പുമായി ബന്ധപ്പെട്ട് കേസുകൾ നിലവിലുണ്ട്.