എറണാകുളത്ത് വീടിന്റെ ടെറസില് കഞ്ചാവ് കൃഷി ചെയ്ത യുവാവ് പിടിയിൽ
കൊച്ചി : വീടിന്റെ ടെറസില് കഞ്ചാവ് കൃഷി ചെയ്ത യുവാവ് പിടിയിൽ. എറണാകുളം നോര്ത്ത് പറവൂര് ചിറ്റാറ്റുകരയില് തയ്യേത്ത് സിജോ(26)യാണ് പോലീസിന്റെ പിടിയിലായത്. രഹസ്യവിവരത്തെ തുടര്ന്ന് വടക്കേക്കര സി.ഐ. സൂരജിന്റെ നേതൃത്വത്തില് നടന്ന പരിശോധനയിലാണ് സിജോ പിടിയിലായത്
ഇയാളുടെ വീടിന്റെ ടെറസില് പൂര്ണ വളര്ച്ചയെത്തിയ അഞ്ച് കഞ്ചാവ് ചെടികളുണ്ടായിരുന്നു. ഒരു ചെടി വെട്ടി ഉണക്കാനിട്ട രീതിയിലും കണ്ടെത്തി. ഇതോടൊപ്പം ചെറിയ തൈകളും കണ്ടെത്തിയിട്ടുണ്ട്. പ്ലാസ്റ്റിക് ബക്കറ്റുകളില് മണ്ണ് നിറച്ചായിരുന്നു കൃഷി. ചെടിയുടെ വളര്ച്ചയ്ക്കായി ജൈവവളവും പ്രയോഗിച്ചിട്ടുണ്ട്. . പ്രതിയെ പോലീസ് വിശദമായി ചോദ്യംചെയ്ത് വരികയാണ്. മത്സ്യബന്ധനവും പെയിന്റിങ് ജോലിയും ചെയ്തിരുന്ന ഇയാള് കഞ്ചാവ് വില്പന നടത്തിയിരുന്നോ എന്ന കാര്യവും പോലീസ് അന്വേഷിക്കുന്നുണ്ട്.