ക്രിസ്മസ് ദിനത്തിൽ മദ്യലഹരിയിൽ മധ്യവയസ്കരെ ആക്രമിച്ച സംഭവം : മുഖ്യപ്രതി പിടിയിൽ
മാള: മധ്യവയസ്കരെ ആക്രമിച്ച സംഭവത്തിൽ ഒളിവിലായിരുന്ന പ്രതി അറസ്റ്റിൽ. അവിട്ടത്തൂർ അമ്പാടത്ത് വീട്ടിൽ സായ് കൃഷ്ണയെയാണ് (31) അറസ്റ്റ് ചെയ്തത്.ആളൂർ അവിട്ടത്തൂരിൽ ക്രിസ്മസ് ദിനത്തിൽ വൈകീട്ടാണ് സംഭവം. അവിട്ടത്തൂർ സ്വദേശികളായ ബാബു, സിജേഷ് എന്നിവർക്ക് പ്രതികളുടെ ആക്രമണത്തിൽ പരിക്കേറ്റിരുന്നു.
ബന്ധുവിന്റെ വീട്ടുമതിലിൽ കയറിയിരുന്ന് മദ്യലഹരിയിൽ ബഹളമുണ്ടാക്കുന്നത് വിലക്കിയതാണ് ആക്രമണത്തിന് കാരണം. ഗുരുതര പരിക്കുകളോടെ ബാബു അങ്കമാലി അപ്പോളോ ആശുപത്രിയിൽ അത്യാസന്ന നിലയിൽ ചികിത്സയിലാണ്. സിജേഷിനും സാരമായ പരിക്കുണ്ട്. പ്രതികളിൽ രണ്ടുപേർ ഒളിവിലാണ്. അറസ്റ്റിലായ സായ് കൃഷ്ണയെ കോടതിയിൽ ഹാജരാക്കി റിമാൻഡ് ചെയ്തു.