മാരുതി ഗ്രാൻഡ് വിറ്റാര സിഎൻജി ഡിസംബറിൽ എത്തും

ഗ്രാൻഡ് വിറ്റാര മിഡ്-സൈസ് എസ്‌യുവിയുടെ സിഎൻജി പതിപ്പ് പുറത്തിറക്കാൻ മാരുതി സുസുക്കി തയ്യാറെടുക്കുകയാണ്. ഇതിന്റെ ഔദ്യോഗിക ലോഞ്ച് തീയതി വെളിപ്പെടുത്തിയിട്ടില്ലെങ്കിലും 2022 ഡിസംബറിൽ ഷോറൂമുകളിൽ എത്തുമെന്നാണ് റിപ്പോർട്ട്. ഫാക്ടറിയിൽ ഘടിപ്പിച്ച സിഎൻജി കിറ്റുമായി വരുന്ന ബ്രാൻഡിൽ നിന്നുള്ള ആദ്യത്തെ എസ്‌യുവിയാണിത്.

ടൊയോട്ട ഹൈറൈഡർ സിഎൻജി പോലെ, മാരുതി ഗ്രാൻഡ് വിറ്റാര സിഎൻജിയും 103 ബിഎച്ച്പി, 1.5 എൽ കെ 15 സി പെട്രോൾ മൈൽഡ് ഹൈബ്രിഡ് പവർട്രെയിനുമായി വരും. സാധാരണ പെട്രോൾ ഹൈബ്രിഡ് സജ്ജീകരണത്തേക്കാൾ സിഎൻജി പതിപ്പിന് ശക്തി കുറവായിരിക്കും. മാരുതി ഗ്രാൻഡ് വിറ്റാര സിഎൻജിക്ക് 5 സ്പീഡ് മാനുവൽ ഗിയർബോക്‌സ് ലഭിക്കും. ഈ സിഎൻജി എസ്‍യുവിയുടെ മൈലേജ് 26.10km/kg ആയിരിക്കും. ഹൈഡർ സിഎൻജി രണ്ട് വേരിയന്റുകളിൽ വരുന്നു. എന്നാൽ ഗ്രാൻഡ് വിറ്റാര സിഎൻജി ഒന്നിലധികം വേരിയന്റുകളിൽ (എൻട്രി ലെവൽ ട്രിമ്മുകളിൽ നിന്ന്) വാഗ്‍ദാനം ചെയ്യാൻ സാധ്യതയുണ്ട്.

മാരുതി ഗ്രാൻഡ് വിറ്റാര സിഎൻജിയുടെ പെട്രോൾ മൈൽഡ് ഹൈബ്രിഡിനേക്കാൾ ഏകദേശം 75,000 മുതൽ 95,000 രൂപ വരെ പ്രീമിയം വില പ്രതീക്ഷിക്കുന്നു. ഈ മിഡ്-സൈസ് എസ്‌യുവി മോഡൽ ലൈനപ്പ് നിലവിൽ 10.45 ലക്ഷം മുതൽ 19.65 ലക്ഷം രൂപ വരെ ലഭ്യമാണ്. ഇതിന് എട്ട് ഓട്ടോമാറ്റിക് വേരിയന്റുകളാണുള്ളത്, അവയുടെ വില 13.40 ലക്ഷം മുതൽ 19.65 ലക്ഷം രൂപ വരെയാണ്. എല്ലാ വിലകളും എക്സ്-ഷോറൂം വിലകള്‍ ആണ്.

ആർട്ടിക് വൈറ്റ്, ഒപുലന്റ് റെഡ്, സെലസ്റ്റിയൽ ബ്ലൂ, സ്‌പ്ലെൻഡിഡ് സിൽവർ, മിഡ്‌നൈറ്റ് ബ്ലാക്ക്, ചെസ്റ്റ്നട്ട്-ബ്രോൺസ്, ഗ്രാൻഡിയർ ഗ്രേ, സ്‌പ്ലെൻഡിഡ് സിൽവർ മിഡ്‌നൈറ്റ് ബ്ലാക്ക്, ആർട്ടിക് വൈറ്റ് മിഡ്‌നൈറ്റ് ബ്ലാക്ക് എന്നിങ്ങനെ എക്‌സ്റ്റീരിയർ കളർ ഓപ്ഷനുകളിലാണ് മാരുതി ഗ്രാൻഡ് വിറ്റാര വാഗ്ദാനം ചെയ്യുന്നത്. ഡ്യുവൽ-ടോൺ പെയിന്റ് സ്കീം ടോപ്പ്-എൻഡ് ആൽഫ, സീറ്റ പ്ലസ്, ആൽഫ പ്ലസ് ട്രിമ്മുകളിൽ മാത്രമേ 16,000 രൂപ അധിക വിലയിൽ ലഭ്യമാകൂ. സ്ട്രോങ്-ഹൈബ്രിഡ് വേരിയന്റിനൊപ്പം ഒരു പ്രത്യേക ആമുഖ പാക്കേജ് കമ്പനി വാഗ്ദാനം ചെയ്യുന്നു. ഇതിൽ അഞ്ച് വർഷം അല്ലെങ്കില്‍ 1,00,000 കി.മീ (സാധാരണ രണ്ട് വർഷം/40,000 കി.മീ. മുതൽ) വിപുലീകൃത വാറന്റിയും 67,000 രൂപയിലധികം വിലമതിക്കുന്ന നെക്സ ആക്സസറി പാക്കും ഉൾപ്പെടുന്നു.