സംസ്ഥാനത്ത് ഇന്ന് എട്ട് പുതിയ ഹോട്സ്പോട്ടുകൾ
Oct 22, 2020, 19:06 IST
തിരുവനന്തപുരം; സംസ്ഥാനത്ത് ഇന്ന് പുതിയ എട്ട് ഹോട്ട്സ്പോട്ടുകള്. പാലക്കാട്, പത്തനംതിട്ട, എറണാകുളം, കൊല്ലം, ആലപ്പുഴ ജില്ലകളിലാണ് പുതിയ ഹോട്ട്സ്പോട്ടുകള്. 7 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. ഇതോടെ ആകെ 618 ഹോട്ട് സ്പോട്ടുകളാണുള്ളത്. മുഖ്യമന്ത്രി പിണറായി വിജയന് വാര്ത്താസമ്മേളനത്തില് അറിയിച്ചതാണ് ഇക്കാര്യം.
പാലക്കാട് ജില്ലയിലെ കാവശേരി (കണ്ടൈന്മെന്റ് സോണ് സബ് വാര്ഡ് 8), കിഴക്കാഞ്ചേരി (18), ഓങ്ങല്ലൂര് (5, 11, 12), കൊപ്പം (2), പത്തനംതിട്ട ജില്ലയിലെ ഏനാദിമംഗലം (4, 15), എറണാകുളം ജില്ലയിലെ അങ്കമാലി (4 മാര്ക്കറ്റ് ഏരിയ), കൊല്ലം ജില്ലയിലെ തലവൂര് (സബ് വാര്ഡ് 1, 2, 13), ആലപ്പുഴ ജില്ലയിലെ മുഹമ്മ (11) എന്നിവയാണ് പുതിയ ഹോട്ട് സ്പോട്ടുകള്.