കണ്ണപുരം: ബസ് യാത്രക്കിടെ യുവതിയുടെ മൂന്നേകാൽ പവൻ്റെ മാല കവർന്നു. മാടായി നീരൊഴുക്കുംചാലിലെ കെ.ബിന്ദു (40) വിൻ്റെ മാലയാണ് കവർന്നത്. ഇന്നലെ വൈകുന്നേരം 5 മണിയോടെ ചെറുകുന്ന് തറയ്ക്ക് സമീപം വെച്ചാണ് ബസ് യാത്രക്കിടെ കഴുത്തിൽ ധരിച്ചിരുന്ന മുല്ല ചെയിനും ഇല ത്താലി മോഡൽ ലോക്കറ്റ് ഉൾപ്പെടെയുള്ള 2, 90,000 രൂപ വിലമതിക്കുന്ന മൂന്നേകാൽ പവൻ്റെ സ്വർണ്ണ മാല മോഷണം പോയത്.

 തുടർന്ന് കണ്ണപുരം പോലീസിൽ പരാതി നൽകി. കേസെടുത്ത പോലീസ് അന്വേഷണത്തിൽ മാല കവർന്നത് രണ്ടു തമിഴ് സ്ത്രീകളാണെന്ന് തിരിച്ചറിഞ്ഞിട്ടുണ്ട്. ഇവർ തളിപ്പറമ്പിലേക്ക് കടന്നു കളഞ്ഞതായി പ്രദേശത്തെ നിരീക്ഷണ ക്യാമറകളിലെ ദൃശ്യത്തിൽ നിന്നും പോലീസ് തിരിച്ചറിഞ്ഞിട്ടുണ്ട്.