പ്രഭാത സവാരിക്കിടെ വി.കുഞ്ഞികൃഷ്ണന്റെ സഹോദരന് കാർ ഇടിച്ച് മരിച്ചു
സിപിഎം മുന് ജില്ലാകമ്മിറ്റിയംഗവും മുൻ പയ്യന്നൂർഏരിയാ സെക്രട്ടറിയുമായിരുന്ന വെള്ളൂരിലെവി.കുഞ്ഞികൃഷ്ണന്റെ സഹോദരന് കണ്ണൂര് ജില്ലാ ബാങ്ക് റിട്ട. സീനിയര് മാനേജര് വെള്ളൂരിലെ വി.രാമചന്ദ്രന്(87) പ്രഭാത സവാരിക്കിടെ കാറിടിച്ച് മരിച്ചു.
പയ്യന്നൂര്: സിപിഎം മുന് ജില്ലാകമ്മിറ്റിയംഗവും മുൻ പയ്യന്നൂർഏരിയാ സെക്രട്ടറിയുമായിരുന്ന വെള്ളൂരിലെവി.കുഞ്ഞികൃഷ്ണന്റെ സഹോദരന് കണ്ണൂര് ജില്ലാ ബാങ്ക് റിട്ട. സീനിയര് മാനേജര് വെള്ളൂരിലെ വി.രാമചന്ദ്രന്(87) പ്രഭാത സവാരിക്കിടെ കാറിടിച്ച് മരിച്ചു. ഇന്ന് പുലര്ച്ചെ പതിവുപോലെ പ്രഭാത സവാരിക്കിടയില് പുതിയങ്കാവ് കാറമേൽ റോഡിലാണ്അപകടം. ഗുരുതരമായി പരിക്കേറ്റ രാമചന്ദ്രനെ ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
കമ്മ്യൂണിസ്റ്റുകാരനായതിനെ തുടര്ന്ന് മിലിട്ടറിയില്നിന്നും പിരിച്ചുവിടപ്പെട്ട ഇദ്ദേഹം പിന്നീട് പയ്യന്നൂര് റൂറല് ബാങ്കിലും ജില്ലാ ബാങ്കിലുമായി മുപ്പതുവര്ഷത്തിലധികം സേവനമനുഷ്ഠിച്ചിട്ടുണ്ട്. വെള്ളൂരിലെ ആദ്യകാല കമ്മ്യുണിസ്റ്റ് കര്ഷക പ്രസ്ഥാനത്തിന്റെ പ്രവര്ത്തകനായിരുന്നു. കാറമേലില് പ്രവര്ത്തിച്ചിരുന്ന ഐക്യനാണയ സംഘം വെള്ളൂരിലേക്ക് കൊണ്ടുവന്ന് വെള്ളൂര് സര്വ്വീസ് സഹകരണ ബേങ്കായി ഉയര്ത്തുന്നതിലും പ്രധാന പങ്ക് വഹിച്ചിരുന്നു.
ഭാര്യ: പി.ടി. ജാനകി. മക്കള്: പ്രൊഫ: പി.ടി. ജയചന്ദ്രന് (യൂണിവേഴ്സിറ്റി ഓഫ് ന്യൂ ബ്രൂണ്സ്വിക് കാനഡ), പി.ടി. ശ്രീലത (റിട്ട. അദ്ധ്യാപിക, മുത്തത്തി എസ് വിയുപി സ്കൂള്), അഡ്വ. പി.ടി. സുധീര് കുമാര് (പയ്യന്നൂര്). മരുമക്കള്: ദീപ (വാരം) മുരളീചന്ദ്രന് (റിട്ട. സീനിയര് മാനേജര് എസ്ബിഐ), ബേബി രൂപശ്രീ (ജിഎംയുപിസ്കൂള് പെരുമ്പ). മറ്റു സഹോദരങ്ങള്: വി. നാരായണന് (പ്രസിഡണ്ട് പയ്യന്നൂര് സഹകരണ ആശുപത്രി), പരേതയായ വണ്ണാടില് മാധവി (കരിവെള്ളൂര് നിടുവപ്പുറം). ഇന്ന്ഉച്ചയ്ക്ക് രണ്ടുമണി മുതൽ വെള്ളൂർ ചന്തൻ കുഞ്ഞി സ്മാരക ഹാളിൽ പൊതുദർശനം വൈകുന്നേരം 6 മണിക്ക് വെള്ളൂരിൽ സംസ്കാരം.