തലശേരി മാഹി ബൈപ്പാസിൽ നിന്നും പുഴയിലേക്ക് ചാടിയ പെൺകുട്ടികളെ നാട്ടുകാർ രക്ഷിച്ചു

കണ്ണൂർ : തലശേരി -മാഹി ബൈപ്പാസില്‍ നിന്നും രണ്ട് പെണ്‍കുട്ടികള്‍ പുഴയിലേക്ക് ചാടി. ബൈപ്പാസ് കടന്ന് പോകുന്ന ഒളവിലം പാത്തിക്കലാണ് ഞായറാഴ്ച്ച രാവിലെസംഭവം നടന്നത്.

പിന്നാലെ നാട്ടുകാർ ചേർന്ന് പെണ്‍കുട്ടികളെ രക്ഷപ്പെടുത്തി. ഇരുവരും തലശേരി ഇന്ദിരാഗാന്ധി കോപ്പറേറ്റീവ് ഹോസ്പിറ്റലില്‍ ഐസിയുവില്‍ ചികിത്സയിലാണ്. പെണ്‍കുട്ടികള്‍ കോഴിക്കോട് സ്വദേശിനികളാണെന്നാണ് പൊലിസിൻ്റെ പ്രാഥമിക നിഗമനം.