ശ്രീകണ്ഠപുരത്ത് രണ്ട് വിദ്യാർത്ഥികൾക്ക് തെരുവ് നായയുടെ കടിയേറ്റു

ശ്രീകണ്ഠപുരം :തെരുവ് നായ ശല്യം രൂക്ഷമായ ശ്രീകണ്ഠപുരത്ത് രണ്ടുവിദ്യാർത്ഥികൾക്ക് നായയുടെ കടിയേറ്റു. തിങ്കളാഴ്ച്ച രാവിലെയാണ് നടന്ന് പോകുകയായിരുന്ന പഴയങ്ങാടിയിലെ ഒൻപതുവയസ് കാരനെ എട്ടോ ളം നായക്കൂട്ടങൾ വളഞ്ഞ് അക്രമിച്ചത്. കടിയേറ്റ ജയിൽ ജോസഫ് ( 9 ) നെ പരിയാരത്തെ കണ്ണൂർ മെഡിക്കൽ കോളേജിൽ പ്രവേശിപ്പിച്ചു. 

വൈകുന്നേരം സി എച്ച് നഗറിലെ എട്ടുവയസ് കാരനും കടിയേറ്റു. ഈ വിദ്യാർത്ഥിയേയും പരിയാരം മെഡിക്കൽ കോളേജിൽ പ്രവേശിപ്പിച്ചു. ശ്രീകണ്ഠപുരത്ത് തെരുവ് നായകളെ നിയന്ത്രിക്കണമെന്ന് നാട്ടുകാർ ആവശ്യപ്പെടാൻ തുടങ്ങിയിട്ട് വർഷങ്ങളായി. അധികൃതർ ഇനിയെങ്കിലും അടിയന്തിരപരിഹാരം കാണണമെന്നാണ് നാട്ടുകാരുടെ ആവശ്യം.