മട്ടന്നൂർ : പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ച കേസിൽ പ്രതിക്ക് 15 വർഷം തടവും 283000 രൂപ പിഴയും പോക്സോ ആക്റ്റ് പ്രകാരം ഇരട്ട ജീവപര്യന്തവും ശിക്ഷ വിധിച്ചു. കാരാപ്പറമ്പ് സ്വദേശി വി.എം. പവിന്സി (40 ) നാണ് മട്ടന്നൂർ ഫാസ്റ്റ് ട്രാക്ക് സ്പെഷ്യൽ കോടതി ജഡ്ജ് അനീറ്റ് ജോസഫ് ശിക്ഷ വിധിച്ചത്.

 2024 ലാണ് കേസിനാസ്‌പദമായ സംഭവം നടന്നത്. ഇൻസ്‌പെക്ടർ ഓഫ് പോലീസ് പി.എം. മനോജ്‌, എ എസ്‌ഐ ബിസീന്ത എന്നിവർ കേസ് അന്വേഷിക്കുകയും പ്രതിയെ അറസ്റ്റ് ചെയ്യുകയും ചെയ്തു. ഇൻസ്‌പെക്ടർ ഓഫ് പോലീസ് ടി.എൻ. സന്തോഷ്‌ കുമാർ അന്വേഷണം പൂർത്തിയാക്കി പ്രതിക്കെതിരെ കുറ്റപത്രം സമർപ്പിച്ചു. സ്പെഷ്യൽ പബ്ലിക്ക് പ്രോസിക്യൂട്ടർ പി.വി. ഷീന പ്രോസിക്യൂഷനു വേണ്ടി ഹാജരായി.