സി.എച്ച് ബാലകൃഷ്ണൻ മാസ്റ്റർ പുരസ്കാരം പി.വി.കെ പനയാലിന്

ചിറക്കൽ: അധ്യാപകനും സാമൂഹ്യ സാംസ്കാരിക പ്രവർത്തകനുമായിരുന്ന സി.എച്ച് ബാലകൃഷ്ണൻ മാസ്റ്റരുടെ അനുസ്മരണാർത്ഥം ചിറക്കൽഗാന്ധിജി റൂറൽ ലൈബ്രറി ഏർപ്പെടുത്തിയ സാഹിത്യ പുരസ്കാരം പ്രമുഖ എഴുത്തുകാരൻ പി.വി.കെ പനയാലിന് .

 നാടകകൃത്ത്, നോവലിസ്റ്റ് , വിവർത്തകൻ, ഗ്രന്ഥാലോകം ചീഫ് എഡിറ്റർ എന്നീ നിലകളിൽ മലയാളത്തിൻ്റെ സാംസ്കാരിക ലോകത്ത് നിറഞ്ഞുനിൽക്കുന്ന വ്യക്തിയാണ് പിവി കെ പനയാൽ ' മെയ് 26 ന് രാവിലെ 10 മണിക്ക് ഗാന്ധിജി റൂറൽ ലൈബ്രറി ഹാളിൽ വെച്ച് നടക്കുന്ന അനുസ്മരണ സമ്മേളനത്തിൽ ബഹു: തുറമുഖ പുരാവസ്തു വകുപ്പ് മന്ത്രി രാമചന്ദ്രൻ കടന്നപ്പള്ളി അവാർഡ് സമ്മാനിക്കും.

 10001 രൂപയും പ്രശസ്തിപത്രവും ഫലകവുമാണ് അവാർഡ്.കണ്ണൂർ ജില്ല ലൈബ്രറി കൗൺസിൽ പ്രസിഡണ്ട് മുകുന്ദൻ മഠത്തിൽ സി എച്ച്അനുസ്മരണ ഭാഷണം നടത്തും. കെ. ബാലകൃഷ്ണൻ മാസ്റ്റർ, ഡോ. എ.എസ്. പ്രശാന്ത് കൃഷ്ണൻ, പി.വി സതി,കെ.മനോജ്, എ. പ്രദീപൻ, പ്രവീൺ പി എന്നിവർ സംബന്ധിക്കും.