അടുത്ത അധ്യയനവർഷം മുതൽ നിർമിതിബുദ്ധി ഹയർ സെക്കന്ററി പാഠ്യപദ്ധതിയുടെ ഭാഗമാകുമെന്ന് പൊതുവിദ്യാഭ്യാസ മന്ത്രി എൻ ഷംസുദ്ദീൻ. കടവത്തൂർ പി.കെ.എം ഹയർ സെക്കൻഡറി സ്കൂളിൽ പ്ലസ് ടു പുതിയ ബ്ലോക്കിന്റെ ഉദ്ഘാടനവും വിജയോത്സവവും വിദ്യാർത്ഥികളുമായി സംവദിച്ചും സംസാരിക്കുകയായിരുന്നു മന്ത്രി. സംവാദത്തിൽ വിദ്യാർത്ഥികളുടെ ചോദ്യത്തിന് മറുപടിയായാണ് നിർമിതിബുദ്ധി ഹയർ സെക്കന്ററി പാഠ്യപദ്ധതിയുടെ ഭാഗമാകുമെന്ന് മന്ത്രി പറഞ്ഞത്. 

പുതിയ ബ്ലോക്ക് വിദ്യാർത്ഥികളുടെ പഠന സൗകര്യങ്ങൾ മെച്ചപ്പെടുത്തുന്നതോടൊപ്പം ഭാവി തലമുറയ്ക്ക് ആത്മവിശ്വാസത്തോടെ മുന്നേറാൻ പ്രചോദനമാകും. കടവത്തൂർ പി.കെ.എമ്മിൽ നിന്ന് ഹൈസ്കൂൾ, പ്ലസ് ടു പഠനം പൂർത്തിയാക്കി നീറ്റ് പരീക്ഷയിൽ സംസ്ഥാനത്ത് അഞ്ചാം സ്ഥാനം നേടിയ നിദാ ഫാത്തിമ ടി.കെ പൊതുവിദ്യാഭ്യാസ മേഖലയുടെ അഭിമാനമാണെന്നും മന്ത്രി കൂട്ടിച്ചേർത്തു.എസ്.എസ്.എൽ.സി, പ്ലസ് ടു, വി.എച്ച്.എസ്.ഇ പരീക്ഷകളിൽ മികച്ച വിജയം കരസ്ഥമാക്കിയ വിദ്യാർത്ഥികൾക്കുള്ള ഉപഹാരം മന്ത്രി വിതരണം ചെയ്തു. പി.കെ പ്രവീൺ എംഎൽഎ അധ്യക്ഷത വഹിച്ചു. സ്കൂളിലെ മികവ് പുലർത്തിയ 45 വിദ്യാർഥികൾക്ക് മാനേജ്മെൻറ് ഏർപ്പെടുത്തിയ കാവൽ സ്കോളർഷിപ്പ് മാനേജർ പി.പി.എ സലാം വിതരണം ചെയ്തു.

തൃപ്രങ്ങോട്ടൂർ ഗ്രാമപഞ്ചായത്ത് പ്രസിഡന്റ് ഗഫൂർ മൂലശ്ശേരി, ജില്ലാ പഞ്ചായത്ത് അംഗം സി.കെ മുഹമ്മദലി, ബ്ലോക്ക് പഞ്ചായത്ത് അംഗം മുനീറ സുഹൈർ, ഗ്രാമപഞ്ചായത്ത് അംഗം വി.കെ ആരിഫ, പ്രിൻസിപ്പൽ വി.കെ സുജൻ, വി.എച്ച്.എസ്.ഇ പ്രിൻസിപ്പൽ സുഭാഷ് ചന്ദ്രബോസ്, പ്രധാനാധ്യാപകൻ റമീസ് പാറാൽ, പിടിഎ പ്രസിഡണ്ട് നാസർ പുത്തലത്ത്, കാട്ടൂർ മഹമൂദ്, കെ.പി സാജു, പി.കെ മുകുന്ദൻ, പി.പി ദാസൻ, സി.കെ.ബി തിലകൻ, സ്റ്റാഫ് സെക്രട്ടറി പി ഇസഹാഖ് എന്നിവർ സംസാരിച്ചു.