കണ്ണൂർ : പാലക്കാട് മതനിരപേക്ഷ വോട്ടുകൾ യു.ഡി.എഫ് പാളയത്തിലെത്തിക്കാൻ ജമാത്തെ ഇസ്ലാമിയും എസ്.ഡി.പി.ഐയും ശ്രമിച്ചുവെന്ന് സി.പി.എം സംസ്ഥാന സെക്രട്ടറി എംവി ഗോവിന്ദൻ. കണ്ണൂരിൽ മാധ്യമങ്ങളോട് സംസാരിക്കുകയായിരുന്നു അദ്ദേഹം.

ബി.ജെ.പി പേടിയിൽ മതേതര വോട്ടുകൾ യു.ഡി.എഫിൻ എത്തിക്കാനാണ് അവർ ശ്രമിച്ചത്. ഇതിന് മുസ്ലീം ലീഗും കൂട്ടു നിന്നു. എന്നാൽ ഇതൊന്നും വിലപ്പോയിട്ടില്ല. പാലക്കാട് എൽ.ഡി.എഫ് ശക്തമായ മത്സരം കാഴ്ച്ചവെച്ചു.

എൽ.ഡി.എഫിന് അവിടെ നല്ല വിജയ സാധ്യതയുണ്ടെന്നാണ് പ്രതീക്ഷിക്കുന്നത്. മൂന്നാം സ്ഥാനത്ത് നിന്നാണ് എൽ.ഡി.എഫ് ശക്തമായ മത്സരം കാഴ്ച്ചവെച്ചത്. എൽ.ഡിഎഫ് മുന്നേറുമ്പോൾ ബി.ജെ.പി മൂന്നാം സ്ഥാനത്തേക്ക് പോകും. ബാക്കി കാര്യങ്ങൾ തെരഞ്ഞെടുപ്പ് വിധിക്ക് ശേഷം സംസാരിക്കാമെന്നും എം.വി ഗോവിന്ദൻ പറഞ്ഞു.