കണ്ണൂർ: പുതുതായി തെരഞ്ഞെടുക്കപ്പെട്ട ജനപ്രതിനിധികളുമായി സഹകരിച്ച് തദ്ദേശിയ ആരോഗ്യ രംഗത്തെ പ്രവർത്തനങ്ങൾ ശക്തിപ്പെടുത്തുകയും സമൂഹ നന്മയ്ക്കായി ആരോഗ്യ സേവനങ്ങൾ കൂടുതൽ ഫലപ്രദമായി ജനങ്ങളിലേക്ക് എത്തിക്കുകയെന്ന ലക്ഷ്യത്തോടെ കണ്ണൂർ ബേബി മെമ്മോറിയൽ ഹോസ്‌പിറ്റൽ 'കണ്ണൂരിന് ഒപ്പം ബേബി' എന്ന പ്രത്യേക പരിപാടി സംഘിപ്പിച്ചു.

മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്തു. ആരോഗ്യരംഗത്ത് ജനപ്രതിനിധികളുടെ പങ്ക് നിർണായകമാണെന്നും. ആശുപത്രികളും തദ്ദേശ സ്ഥാപനങ്ങളും കൈകോർത്ത് പ്രവർത്തിക്കേണ്ടതിൻ്റെ ആവശ്യകതയും അദ്ദേഹം ഉദ്ഘാടന പ്രസംഗത്തിൽ ചൂണ്ടിക്കാട്ടി ജനപ്രതിനിധികളിലൂടെ വാർഡ് തലത്തിൽ ജനങ്ങൾക്ക് മികച്ച ആരോഗ്യസംരക്ഷണ സൗകര്യങ്ങൾ ലഭ്യമാക്കുക. ഒ.പി കൺസൾട്ടേഷൻ മുതൽ ആശുപത്രിയിലെ വിവിധ സേവനങ്ങൾ വരെ പ്രത്യേക അനുകൂല്യങ്ങളും പരിഗണനകളും ഒരുക്കുക തുടങ്ങിയവയാണ് ഈ പരിപാടിയുടെ പ്രധാന ലക്ഷ്യങ്ങൾ തദ്ദേശ സ്വയംഭരണ സ്ഥാപനങ്ങളുമായി ചേർന്ന് ആരോഗ്യ ബോധവൽക്കരണവും മറ്റു സേവനങ്ങളും കൂടുതൽ ജനസൗഹൃദമാക്കുന്നതിനുള്ള ശ്രമങ്ങളുടെ ഭാഗമായാണ് ഈ സംരംഭമെന്നും ജനങ്ങളിലേക്കു നേരിട്ട് എത്തി അവരുടെ ആരോഗ്യസംരക്ഷണം ഉറപ്പുവരുത്തുന്നതിനുള്ള പ്രവർത്തനങ്ങളുമായി ബേബി മെമ്മോറിയൽ ഹോസ്‌പിറ്റൽ മുന്നോട്ട് പോകുമെന്നും ഈ പരിപാടിയിലൂടെ ജനങ്ങളുടെയും ജനപ്രതിനിധികളുടെയും വിശ്വാസം കൂടുതൽ ശക്തിപ്പെടുത്തുകയും, ആരോഗ്യസംരക്ഷണ രംഗത്ത് ബേബി മെമ്മോറിയൽ ഹോസ്‌പിറ്റൽ സമൂഹത്തിനൊപ്പം നിലകൊള്ളുകയും ചെയ്യുന്നുവെന്ന  ബേബി സന്ദേശമാണ് "കണ്ണൂരിന് ഒപ്പം ബേബി' എന്ന പരിപാടിയിലൂടെ നൽകുന്നതെന്നും ബി.എം. എച്ച് മെമ്മോറിയൽ ഹോസ്‌പിറ്റൽസ് നോർത്ത് കേരള ക്ലസ്റ്റർ സി  നിരൂപ് മുണ്ടയാടൻ പറഞ്ഞു.വിശിഷ്‌ടാതിഥികളായ കണ്ണൂർ കോർപ്പറേഷൻ മേയർ അഡ്വ. പി. ഇന്ദിര, കണ്ണൂർ ജില്ലാ പഞ്ചായത്ത് പ്രസിഡന്റ് അഡ്വ ബിനോയ് കുര്യൻ, ജില്ലാ പഞ്ചായത്ത് വൈസ് പ്രസിഡൻ്റ് ടി. ഷബ്ന  എന്നിവർ സംസാരിച്ചു.

ബേബി മെമ്മോറിയൽ ഹോസ്‌പിറ്റൽസ്  മെഡിക്കൽ അഡ്വൈസർ ഡോ. ഇ.കെ മുഹമ്മദ് അബ്‌ദുൽ നാസർ . ബിസിനസ് ഡെവലപ്മെന്റ് എ ജി.എം മനോജ്, എ.ജി.എം ഓപ്പറേഷൻസ്  ബി.ആർ.പി. ഉണ്ണിത്താൻ, എ.ജി.എം ബിസിനസ് ഓപ്പറേഷൻസ്  ജഗതി ജ്യോതിഷ്, ഡെപ്യൂട്ടി ചീഫ് നഴ്‌സിംഗ് ഓഫീസർ  മഞ്ജു ജോസ്എന്നിവർ പങ്കെടുത്തു.