ഓപ്പറേഷൻ തൂഫാൻ തുടരുന്നു : തളിപറമ്പിൽ വീട്ടിൽ എംഡിഎംഎ സൂക്ഷിച്ച യുവാവ് അറസ്റ്റിൽ
സംസ്ഥാനമാകെ നടക്കുന്ന ലഹരിവിരുദ്ധ ഓപ്പറേഷൻതൂഫാന് പദ്ധതി കണ്ണുരിലും തുടരുന്നു, തളിപ്പറമ്പിൽ 5.43ഗ്രാം എം.ഡി.എം.എ വീട്ടില് സൂക്ഷിച്ച യുവാവ് അറസ്റ്റില്.
തളിപ്പറമ്പ്: സംസ്ഥാനമാകെ നടക്കുന്ന ലഹരിവിരുദ്ധ ഓപ്പറേഷൻതൂഫാന് പദ്ധതി കണ്ണുരിലും തുടരുന്നു, തളിപ്പറമ്പിൽ 5.43ഗ്രാം എം.ഡി.എം.എ വീട്ടില് സൂക്ഷിച്ച യുവാവ് അറസ്റ്റില്.എളമ്പേരംപാറയിലെ മുത്തലിബ്-ഷെഫീന ദമ്പതികളുടെ മകന് ചെറുകുന്നോന്റകത്ത് സി.മൂസാന്കുട്ടി(24)നയെയാണ് ജില്ലാ റൂറൽ പോലീസ് കമ്മീഷണറുടെകീഴില് പ്രവര്ത്തിക്കുന്ന ലഹരിവിരുദ്ധ സേനയായ ഡാന്സാഫ്ടീമും തളിപ്പറമ്പ് പോലീസും സംയുക്തമായി പിടികൂടിയത്.
ഡാന്സാഫിന് നേരത്തെ ലഭിച്ച രഹസ്യവിവരം തളിപ്പറമ്പ് പോലീസിന് കൈമാറിയതിനെ തുടര്ന്ന് എസ്.ഐ കെ.എസ്.നിതിന്, ഗ്രേഡ് എസ്.ഐ അശോകന്,ഗ്രേഡ് എ.എസ്.ഐ കെ.സിന്ധു, സീനിയര് സി.പി.ഒ വിജേഷ്,ഡാന്സാഫ് ടീമിലെ സീനിയര്സി.പി.ഒമാരായ ശ്രീജിത്ത്, ഗിരീഷ്, സജിത്ത്, ഷിജുമോന്, നിഷാദ്, സി.പി.ഒ ഡ്രൈവര് മഹേഷ് എന്നിവരുടെ നേതൃത്വത്തിലാണ് പോലീസ് എളമ്പേരംപാറയിലെ മൂസാന്കുട്ടിയുടെ വീട്ടിൽ റെയ്ഡ് നടത്തിയത്.