ചെ​മ്പേ​രി: അ​ഞ്ച് വ​ർ​ഷ​ങ്ങ​ൾ​ക്ക് മു​മ്പ് അ​തി​ഥി തൊ​ഴി​ലാ​ളി​യാ​യി കേ​ര​ള​ത്തി​ലെ​ത്തി​യ ഒ​ഡീ​ഷ സ്വ​ദേ​ശി​യെ എ​ഞ്ചി​നീ​യ​റിം​ഗ് ബി​രു​ദ​ധാ​രി​യാ​ക്കി മാ​റ്റി​യ ചെ​മ്പേ​രി വി​മ​ൽ ജ്യോ​തി എ​ഞ്ചി​നീ​യ​റിം​ഗ് കോ​ള​ജി​ൻ്റെ അ​ഭി​മാ​ന നേ​ട്ടം ഏ​റെ ശ്ര​ദ്ധേ​യ​മാ​കു​ന്നു. ഒ​ഡീ​ഷ​യി​ലെ കാ​ണ്ഡ​മാ​ൽ ജി​ല്ല​യി​ൽ മാ​ട്ടി​പ്പോ​ദ ഗ്രാ​മ​ത്തി​ലെ പ​രേ​ത​നാ​യ അ​ലെ​ജ് ഉ​ത്ത​ൻ സിം​ഗ്-​പ്രാ​ഞ്ചി​സ്ക ദ​മ്പ​തി​ക​ളു​ടെ മ​ക​നാ​ണ് എ​ൻ​ജി​നീ​യ​റിം​ഗ് ബി​രു​ദം നേ​ടി​യ റി​ങ്കു ഉ​ത്ത​ൻ സിം​ഗ്. റി​ങ്കു​വി​ൻ്റെ മാ​താ​പി​താ​ക്ക​ൾ കൃ​ഷി​പ്പ​ണി​യും വി​വി​ധ കൂ​ലി​പ്പ​ണി​ക​ളും ചെ​യ്താ​ണ് കു​ടും​ബം പു​ല​ർ​ത്തി​യി​രു​ന്ന​ത്. 2011 ൽ ​പി​താ​വി​ൻ്റെ മ​ര​ണ​ത്തോ​ടെ ജീ​വി​തം പ്ര​തി​സ​ന്ധി​യി​ലാ​യ​പ്പോ​ൾ മ​ക്ക​ൾ​ക്ക് തു​ണ​യാ​യ​ത് അ​മ്മ​യു​ടെ ക​ഠി​നാ​ധ്വാ​നം മാ​ത്ര​മാ​യി​രു​ന്നു. 

ഉ​യ​ർ​ന്ന മാ​ർ​ക്കോ​ടെ പ്ല​സ് ടു ​പ​രീ​ക്ഷ വി​ജ​യി​ച്ച റി​ങ്കു​വി​ന് വ​ലി​യ സ്വ​പ്ന​ങ്ങ​ളു​ണ്ടാ​യി​രു​ന്നെ​ങ്കി​ലും ഉ​പ​രി​പ​ഠ​ന​വു​മാ​യി മു​ന്നോ​ട്ടു​പോ​കാ​ൻ കു​ടും​ബ​ത്തി​ലെ സാ​മ്പ​ത്തി​ക പ​രാ​ധീ​ന​ത​ക​ൾ അ​നു​വ​ദി​ച്ചി​ല്ല. റി​ങ്കു​വി​ൻ്റെ ജ്യേ​ഷ്‌​ഠ​സ​ഹോ​ദ​ര​ന്മാ​രാ​യ ര​ണ്ടു​പേ​ർ ഇ​തി​നി​ടെ ഉ​പ​ജീ​വ​ന​മാ​ർ​ഗം തേ​ടി കേ​ര​ള​ത്തി​ലെ​ത്തി​യി​രു​ന്നു. ചെ​ങ്ക​ൽ പ​ണ​ക​ളി​ൽ ജോ​ലി ചെ​യ്തി​രു​ന്ന സ​ഹോ​ദ​ര​ൻ​മാ​ർ​ക്കൊ​പ്പം ജോ​ലി ചെ​യ്യാ​ൻ ത​യാ​റാ​യി റി​ങ്കു​വും കേ​ര​ള​ത്തി​ലെ​ത്തു​ക​യാ​ണു​ണ്ടാ​യ​ത്. ചെ​ങ്ക​ൽ പ​ണ​യി​ലെ ക​ഠി​നാ​ധ്വാ​നം തു​ട​രു​മ്പോ​ഴും ഉ​പ​രി​പ​ഠ​ന​മെ​ന്ന സ്വ​പ്നം റി​ങ്കു​വി​ൻ്റെ മ​ന​സി​ലു​ണ്ടാ​യി​രു​ന്നു. റി​ങ്കു​വി​ന് പ്ല​സ് ടു ​പ​രീ​ക്ഷ​യി​ൽ ല​ഭി​ച്ച മാ​ർ​ക്കും പ​ഠ​ന​ത്തി​ലു​ള്ള താ​ത്പ​ര്യ​വും ക​ഴി​വും ശ്ര​ദ്ധ​യി​ൽ​പെ​ട്ട ചെ​മ്പേ​രി വി​മ​ൽ ജ്യോ​തി എ​ൻ​ജി​നീ​യ​റിം​ഗ് കോ​ള​ജ് അ​ധി​കൃ​ത​ർ സ്‌​പെ​ഷ​ൽ സ്‌​കോ​ള​ർ​ഷി​പ്പോ​ടെ​യാ​ണ് റി​ങ്കു​വി​ന് കോ​ള​ജി​ൽ അ​ഡ്മി​ഷ​ൻ ന​ൽ​കി​യ​ത്. 

ഇ​ല​ക്ട്രോ​ണി​ക്സ് ആ​ൻ​ഡ് ഇ​ൻ​സ്ട്രു​മെ​ൻ്റേ​ഷ​ൻ എ​ൻ​ജി​നീ​യ​റിം​ഗ് വി​ഭാ​ഗ​ത്തി​ൽ പ്ര​വേ​ശ​നം നേ​ടി​യ റി​ങ്കു ത​നി​ക്ക് ല​ഭി​ച്ച അ​സു​ല​ഭാ​വ​സ​രം പൂ​ർ​ണ​മാ​യും പ്ര​യോ​ജ​ന​പ്പെ​ടു​ത്തി ഏ​റെ ആ​ത്മാ​ഭി​മാ​ന​ത്തോ​ടെ​യാ​ണി​പ്പോ​ൾ എ​ൻ​ജി​നീ​യ​റിം​ഗ് ബി​രു​ദം സ്വ​ന്ത​മാ​ക്കി​യി​ട്ടു​ള്ള​ത്. അ​തേ സ​മ​യം ഈ ​വി​ജ​യം ത​ൻ്റേ​തു​മാ​ത്ര​മ​ല്ലെ​ന്നും ര​ണ്ട് സ​ഹോ​ദ​ര​ന്മാ​രു​ടെ അ​ധ്വാ​ന​വും ത്യാ​ഗ​വും സ്നേ​ഹ​വും ചേ​ർ​ന്ന​താ​ണെ​ന്നും റി​ങ്കു പ​റ​ഞ്ഞു. ക​ഴി​ഞ്ഞ ദി​വ​സം കോ​ള​ജി​ൽ ന​ട​ന്ന ബി​രു​ദ​ദാ​ന ച​ട​ങ്ങി​ൽ ത​ല​ശേ​രി ആ​ർ​ച്ച് ബി​ഷ​പ്പ് മാ​ർ ജോ​സ​ഫ് പാം​പ്ലാ​നി​യി​ൽ നി​ന്ന് സ​ർ​ട്ടി​ഫി​ക്ക​റ്റ് ഏ​റ്റു​വാ​ങ്ങു​ന്ന സ​ന്തോ​ഷ നി​മി​ഷ​ത്തി​ൽ പ​ങ്കു​ചേ​രാ​ൻ റി​ങ്കു​വി​ൻ്റെ മാ​താ​വും സ​ഹോ​ദ​ര​ങ്ങ​ളും മ​റ്റ് കു​ടും​ബാം​ഗ​ങ്ങ​ളും എ​ത്തി​യി​രു​ന്നു. ഇ​തി​നി​ടെ കോ​ള​ജി​ലെ പ്ലേ​സ്മെ​ൻ്റ് ഡ്രൈ​വ് മു​ഖേ​ന റി​ങ്കു​വി​ന് ചെ​ന്നൈ​യി​ലെ പ്ര​മു​ഖ ക​മ്പ​നി​യി​ൽ ജോ​ലി​യും ലഭ്യമാ​യി​ട്ടു​ണ്ട്.