പഴയങ്ങാടിയില്‍ മണല്‍കടത്തിനിടെ രണ്ടുലോറികള്‍ പിടികൂടി
മണല്‍ മാഫിയക്കെതിരെ നടപടികള്‍ ശക്തമാക്കി പഴയങ്ങാടി പൊലിസ്. ശനിയാഴ്ച്ച പുലര്‍ച്ചെ രണ്ടു മണല്‍ ലോറികള്‍ മണല്‍കടത്തിനിടെ പിടികൂടി.മുട്ടം വെള്ളച്ചാലിലും മാട്ടൂല്‍ സൗത്തിലുമാണ് മണല്‍ലോറികള്‍ പിടികൂടിയത്
പഴയങ്ങാടി: മണല്‍ മാഫിയക്കെതിരെ നടപടികള്‍ ശക്തമാക്കി പഴയങ്ങാടി പൊലിസ്. ശനിയാഴ്ച്ച പുലര്‍ച്ചെ രണ്ടു മണല്‍ ലോറികള്‍ മണല്‍കടത്തിനിടെ പിടികൂടി.മുട്ടം വെള്ളച്ചാലിലും മാട്ടൂല്‍ സൗത്തിലുമാണ് മണല്‍ലോറികള്‍ പിടികൂടിയത്. പഴയങ്ങാടി സി.ഐ സത്യനാഥന്റെ നിര്‍ദ്ദേശപ്രകാരം എസ് ഐ യദുകൃഷ്ണന്‍, എസ് ഐ പ്രകാശന്‍, എസ് സി പി ഓ മാരായ ശ്രീകാന്ത്,ജോഷി ജസ്റ്റസ്, ചന്ദ്രകുമാര്‍ എന്നിവര്‍ ചേര്‍ന്നാണ് മണല്‍ ലോറികള്‍ പിടികൂടിയത്.
മണല്‍കടത്ത് വ്യാപകമായതോടെയാണ് അനധികൃത മണലൂറ്റ് സംഘങ്ങള്‍ക്കെതിരെ പൊലിസ് നടപടി ശക്തമാക്കിയത്.
കഴിഞ്ഞ ഒരു മാസത്തിനിടയില്‍ തന്നെ മണല്‍ കടത്തു സംഘത്തിന്റെ എട്ടോളം ടിപ്പര്‍ ലോറികളാണ് പൊലിസ് പിടിച്ചെടുത്തത്. പഴയങ്ങാടി സി ഐ സത്യനാഥന്റെ നേതൃത്വത്തില്‍ മാട്ടൂല്‍ പുഴയരികില്‍ കടത്താനായി കൂട്ടി വച്ച അന്‍പതോളം ലോഡ് മണല്‍ കണ്ടെത്തുകയും, ജെസിബി ഉപയോഗിച്ച് പുഴയിലേക്ക് തന്നെ തട്ടുകയും ചെയ്തിരുന്നു