കൊച്ചി: മാധ്യമ പ്രവർത്തന മികവിന് കേരള മീഡിയ അക്കാദമി ഏർപ്പെടുത്തിയ മികച്ച അന്വേഷണാത്മക റിപ്പോര്‍ട്ടിനുള്ള ചൊവ്വര പരമേശ്വരന്‍ മാധ്യമ അവാര്‍ഡ് നാഷിഫ് അലിമിയാന്.

'രാസവിഷനദിക്കരയിലെ മരിച്ചു കൊണ്ടിരിക്കുന്ന മനുഷ്യര്‍' എന്ന ശീർഷകത്തിൽ ട്രൂകോപ്പി തിങ്കിൽ പ്രസിദ്ധീകരിച്ച വാർത്താ പരമ്പരയാണ് അവാർഡിനർഹമായത്. 25,000/- രൂപയും പ്രശസ്തിപത്രവും ശില്പവും  അടങ്ങുന്നതാണ് പുരസ്‌കാരം.

തലശ്ശേരി വടക്കുമ്പാട് സ്വദേശിയായ നാഷിഫ് അലിമിയാൻ ദുബൈ അക്കാഫ് അവാർഡ്, മലബാർ കലാസാംസ്കാരിക സമതി പുരസ്കാരം, ആസാദ് ലൈബ്രറി കവിത പുരസ്കാരം, ദുബൈ ജി-മീഡിയ അവാർഡ് എന്നിവയും നേടിയിട്ടുണ്ട്.

വടക്കുമ്പാട് മാണിക്കോത്ത് എൻ.എ മൂസ്സയുടെയും കെ.കെ സൈനബയുടെയും മകനാണ്. ഭാര്യ: ബുഷ്റ ബീവി (അസി. പ്രഫസർ, ​ഗവ. ബ്രണ്ണൻ കോളജ്). മക്കൾ: റൂമി എൻ അലിമിയാൻ, സായിദ് എൻ അലിമിയാൻ.