കണ്ണൂർ : തൃശൂരിൽ നടന്ന സംസ്ഥാന സ്കൂൾ കലോത്സവ സ്വർണ്ണക്കപ്പ് ജേതാക്കളായ കണ്ണൂർ ടീം അംഗങ്ങളെ ജില്ലാ അതിർത്തിയിൽ മാഹിപാലത്ത് വച്ച്  രജിസ്ട്രേഷൻ പുരാവസ്തു വകുപ്പ് മന്ത്രി കടന്നപ്പള്ളി രാമചന്ദ്രൻ ജില്ലാപഞ്ചായത്ത് പ്രസിഡൻ്റ് അഡ്വ. ബിനോയ് കുര്യൻ തുടങ്ങിയവർ ചേർന്ന് മാലയിട്ട് സ്വീകരിച്ചു. 

തുടർന്ന് നിരവധി വാഹനങ്ങളുടെ അകമ്പടിയോടെ തലശേരി, ധർമ്മടം, എടക്കാട് എന്നീ സ്ഥലങ്ങളിലെ സ്വീകരണത്തിന് ശേഷം കലാപ്രതിഭകളെ കണ്ണൂർ നഗരത്തിലേക്ക് ആനയിച്ചു. കണ്ണൂർ നഗരത്തിൽ ടൗൺ സ്ക്വയറിലാണ് സ്വീകരണ സമ്മേളനം ഒരുക്കിയിട്ടുള്ളത്. ജനപ്രതിനിധികളും കലാ, സാംസ്കാരിക രംഗത്തെ പ്രമുഖരും പങ്കെടുക്കും.