കണ്ണൂർ: വീടുകളിൽ എത്തിച്ചിരുന്ന സാമൂഹ്യ ക്ഷേമ പെൻഷൻ പദ്ധതി അട്ടിമറിക്കാനുള്ള യു.ഡി എഫ് സർക്കാറിൻ്റെ നീക്കത്തിനെതിരെ ഡിഫറൻ്റലി ഏബിൾഡ് പേഴ്സൺസ് വെൽഫെയർ ഫെഡറേഷൻ (DAWF) കണ്ണൂർ ജില്ലാ കമ്മറ്റിയുടെ നേതൃത്വത്തിൽ പ്രതിഷേധ പ്രകടനം നടത്തി. ഡി എ ഡബ്ല്യുഎഫ് സംസ്ഥാന ട്രഷറർ പി.വി.ഭാസ്ക്കരൻ ഉദ്ഘാടനം ചെയ്തു. ജില്ലാ പ്രസിഡണ്ട് ടി.വി ഉണ്ണികൃഷ്ണൻ അദ്ധ്യക്ഷത വഹിച്ചു. സംസ്ഥാന വൈസ് പ്രസിഡണ്ട് ടി.ജയകുമാർ , സംസ്ഥാന കമ്മറ്റി അംഗങ്ങളായ ഒ.വിജയൻ, എം.എം.സുരേന്ദ്രൻ , ജില്ലാ സെക്രട്ടറി എ.ഷിജു, ജില്ലാ ട്രഷറർ കെ. ശശിധരൻ എന്നിവർ പ്രസംഗിച്ചു.