കണ്ണൂർ: കണ്ണൂർ ജില്ലാ കളരിപ്പയറ്റ് അസോസിയേഷൻ സംഘടിപ്പിക്കുന്ന ജില്ലാ കളരിപ്പയറ്റ് ചാമ്പ്യൻഷിപ്പ് 30, 31 തീയ്യതികളിലായി മുണ്ടയാട് ഇൻഡോർ സ്റ്റേഡിയത്തിൽ  നടക്കുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു. രണ്ടു ദിവസങ്ങളിലായി നടക്കുന്ന മത്സരത്തിൽ സബ്ബ് ജൂനിയർ , ജൂനിയർ ആന്റ് സീനിയർ വിഭാഗങ്ങളിലായി 262 പെൺകുട്ടികളും 314 ആൺകുട്ടികളും 1249ഇനങ്ങളിലായി മാറ്റുരക്കും.

കണ്ണൂർ യൂണിവേർസിറ്റിഫിസിക്കൽ എഡുക്കേഷൻ ആന്റ് സ്പോർട്സ് ഡയരക്ടർ ഡോ:എ പ്രവീൺ നാളെ കാലത്ത് പത്ത് മണിക്ക് ചാമ്പ്യൻഷിപ്പ് ഉദ്ഘാടനംചെയ്യും. സമാപന സമ്മേളനം അഡ്വ: ടി ഒ മോഹനൻ എം എൽ എ വൈകുന്നേരം 5.30 ന് നിർവ്വഹിക്കും. റിട്ട: അസി: കമാന്റന്റ് വി കെ അബ്ദുൾ നിസ്സാർ വിജയിയ്ക്ക് സമ്മാനവിതരണം ചെയ്യും.ജില്ലാ സ്പോർട്സ് കൗൺസിലിന്റെ അംഗീകാരമുള്ളതാണ് കളരിപ്പയറ്റ് അസോസിയേഷനെന്ന് ഭാരവാഹികൾ പറഞ്ഞു.. പി ശശീന്ദ്രൻ ഗുരുക്കൾ,, പി വി സോമൻ ഗുരുക്കൾ,, വത്സൻ കോടത്തിൽ ഗുരുക്കൾ, പി ജനാർദ്ദനൻ ഗുരുക്കൾ , സി മുഹമ്മദ് ഷരീഫ് ഗുരുക്കൾ എന്നിവർ പത്രസമ്മേളനത്തിൽ പങ്കെടുത്തു.